خاص|مُسلم: مش بهتم بالمشاهدات على السوشيال ميديا وبعبر عن إحساسي في الأغاني بتاعتي

أعرب الفنان مُسلم عن سعادته بتكريمه في مهرجان الأفضل بين الأفضل تحت رعاية راديو في السكة، كما تحدث مسلم عن أعماله خلال الفترة المقبلة، واهتمامه بأرقام المشاهدات على اليوتيوب.

تحيا مصر يرصد لكم تصريحات مسلم

وقال مُسلم في تصريح خاص لموقع تحيا مصر: مبسوط جدًا بوجودي في مهرجان الأفضل بين الأفضل ويارب دايمًا أكون عند حسن ظنكم ويارب يديم علينا الفرحة والنجاح ودي تاني سنة أكون موجود في المهرجان.

وعن تصنيف أغانيه في الطابع الحزين فقط قال مسلم: مش مصنف كحزين بس لكن بيصادف أن الأغاني بتكون  كلها نفس الطابع .

مُسلم يكشف عن أعماله الفترة المقبلة

وكشف مسلم: في حاجات كتير لسه منزلتش ومختلفه كليًا عن كل اللي نزل وهتنزل في الصيف الجاي أو العيد الصغير.

وعن اهتمامه بمشاهدات السوشيال ميديا قال مسلم: أنا مش بهتم بالمشاهدات على السوشيال ميديا والأهم بالنسبالي أن الإحساس في الأغنية يوصل للجمهور.

مُسلم: اللي بحس بيه بطلعه في الأغاني بتاعتي

وتابع: فرحتي بتكون في صناعة الأغنية نفسها مش في نجاحها من عدمه واللي أنا بحسه بكتبه وبلحنه لنفسي ومهم جدًا بالنسبالي إني أكون منصف لنفسي وأقدر أعبر عن اللي أنا حاسس بيه ولما بقدر أطلع ده والأغنية طلعت يبقى ده النجاح بالنسبالي.

واستكمل مسلم حديثه: نجاح الشئ من عدمه في انك كنت صادق قد إيه والشخص بيسمع الأغنية ويقول اه أنا حسيت بيها وده النجاح بالنسبالي، ولو الأغنية منجحتش بالشكل اللي كنت متوقعه بقول إني مكنتش موفق فيها وبس.

 حفل مُسلم

وسبق وتألق الفنان مسلم بحفلًا غنائيًا  على مسرح النهر بساقية عبد المنعم الصاوي، وشهد الحفل حضورًا جماهيرًا كبيرًا، وأشعل مسلم الحفل بصحبة فرقته الموسيقية، وعلى مدار ساعتين أمتع فيها مسلم جمهوره ومحبيه بأجمل الأغانى، وذلك وسط تفاعل كبير من قبل جمهوره.

وقدم مسلم عدد كبير من أغانيه القديمة والجديدة ومنها: "اتنسيت، هنيالك، مش ندمان، قبل ما أوصلك، قلب فى الدفاتر، مين كان السبب"، واختتم مسلم حفله بأغنية "اتنسيت" وسط تصفيق حاد من الجمهور الذى ردد معه الأغنية.