سالي عبد السلام: الرجالة جنبنا غلابة.. واللي بيحاول يشوه مجتمعنا أغلبية الستات

تحدثت الإعلامية سالي عبد السلام عن تشويه بعض السيدات للمجتمع، وذلك خلال تواجدها في احتفالية Girls space. 

تحيا مصر يرصد لكم تصريحات سالي عبد السلام

سالي عبد السلام: الرجالة جنبنا غلابة أوي 

وقالت سالي عبد السلام: الرجالة جنبنا غلابة أوي، واللي بيحاول يشوه مجتمعنا أغلبية الستات. 

وتابعت: الست اللي دايمًا تبص لست إنها أقل منها عشان متجوزتش، أو عشان مطلقة أو أفقر منها، أو عشان أقل منها جمال، أو الأم اللي معرفتش تربي وهكذا، أو الست اللي تشوفك أنجح منها فتحاول تقلل منك.

سالي عبد السلام في برنامج كلمة أخيرة 

ويذكر، أن تحدثت سالي عبد السلام عن تفاصيل تجربتها مع مرض الثعلبة، وذلك من خلال لقاءها اليوم ببرنامج “كلمة أخيرة” مع الإعلامية لميس الحديدي.

حيث قالت “عبد السلام”: “أنا جاتلي الثعلبة 7 مرات، وأنا فاكرة كل مرة مين اللي خلى التعلبة دي تيجي، وفاكرة كل مرة مين اللي زعلني ونمت مقهورة لأن فعلا اللي بينام زعلان بيموت”.

وتابعت: “يعني أنا قعدت أمثل أن أنا قوية وجسمي رفض يمثل معايا، التعلبة كانت بتروح وتقعد 6 شهور سنة، المرادي كانت لسه خلصانة من رمضان ومفيش أقل من 4 شهور وراحت جت”.

وعن حياتها الزوجية قالت: “أن حد يكمل في الجواز معجزة، أنا بغسل مواعين، وبحضر الغدا وبشوف اللبس وأكوي الهدوم.. وببقى قاعدة قلقانة على كل حاجة، قلقانة أني ملحقش الهوا، وشايلة هم بكرا”.

إصابة سالي عبد السلام بالثعلبة

وفي وقت سابق، أعلنت المذيعة سالي عبد السلام إصابتها بمرض الثعلبة للمرة السابعة في 5 سنوات فقط، مطالبة الجمهور والمتابعين بالدعاء لها، وذلك من خلال منشور لها عبر حسابها الشخصي على موقع تبادل الصور والفيديوهات “إنستجرام”.

حيث نشرت سالي مقطع فيديو لها أثناء تلقيها جرعات العلاج، وعلقت عليه قائلة: “دخلت الدوامة دي تانى !!! مرض الثعلبة وخلل المناعة للمرة السابعة في ٥ سنين .. سبحانك يا رب”.

وتابعت: “يا دوبك لسه مخلصة علاج وكورتيزون وحاولت أخس تاني وارجع أعالج شعري من الصيف!!.. في ٥ شهور تعافي بعد ما تتعالج تطلع تاني بالسرعة دي ودي أول مرة تحصل”.