عاجل
الخميس 28 مارس 2024 الموافق 18 رمضان 1445
رئيس التحرير
عمرو الديب

بعد تصريحها أنا بصرف عليه.. زوج علا غانم: جابت فلوس منين أنا بحتاج 150 ألف جنيه في شهر

زوج علا غانم
زوج علا غانم

نفى رجل الأعمال عبد العزيز لبيب تصريحات علا غانم الأخيرة بشأن تحملها مصاريفه الشخصية وكل ما يخصه حيث كانت تعامله معاملة الموظفين وليس الأزواج، وذلك خلال لقائه مع موقع تحيا مصر.

تحيا مصر يرصد في ذلك التقرير تصريحات زوج علا غانم عن تحملها تكاليف عيشته

زوج علا غانم: بخيله وبتخاف تصرف الجنيه

وقال زوج علا غانم في حواره لـ تحيا مصر: “علا بتخاف تصرف الدولار والجنيه لأنها بخيلة جدا ونقدر نسأل العمال اللي اشتغلوا على علا ويعرفواها كويس، وبعدين جابت فلوس منين تصرف عليا أنا بحتاج 150 ألف جنيه في الشهر عشان أصرف على نفسي”.

زوج علا غانم: كان دخلها 35 ألف جنيه وكانت بتطلب مني فلوس ومقدرش أقولها لا

وتابع: “معايا الدفتر بيثبت كل حاجة بمصاريف علا علا في 2011 425 ألف جنيه صرفت 390 ألف جنيه يعني دخلها 35 ألف جنيه علا ما تقدرش تبني الفيلا بسبب دخلها غير المصاريف بتاعتها والدرينك بتاعها غير حاجات كتير مش عارفة اقولها ومصاريفها الشخصية وبنزين العربية وبنتها بتصرف في المدرسة 140 ألف جنيه، وهي بتتحمل مصاريف أولادها، وأوقات كانت بتاخد مني مش هقولها لا”.

وأضاف: “مكنتش أعرف إن علا غانم ممثلة مشهور ومكنتش مشهورة ومعايا أوراق بتقول ان علا غانم واخدة في مسلسل أماكن في القلب 60 ألف جنيه فقط ووقتها كانت عاملة عملين فقط”.

علا غانم: كنت عملاله مرت بـ 7 ألاف دولار في الشهر

وسبق وأن قالت علا غانم في تصريحات تليفزيونية: “احنا مكناش عايشين مع بعض أنا كنت مأجراله بيت وعملاله مرتب 7 ألاف دولار ومكنش عايش معايا في نفس البيت وعربيته وكل حاجة خاصة بيه أنا اللي بدفعه كان بيصعب عليا وسيباه عشان مكنش ليه مكان يعيش فيه اللي عيشته الشهر اللي فات هي دي الجريمة والكابوس اللي مش قادرة أصدقه”.

وأضافت: “خلاني أبيع بيتي من غير ما أعرف ونصب عليا والأذية مبقتش خيانة وكذب بس، أنا كنت وصلت لدرجة إنه مش عيزاه يلمسني وفيه ستات كتير جدا بتتخان وأما كنت بواجهة كان بيتهمني بالجنون”.

تابع موقع تحيا مصر علي