بعد تعرضها لانتقادات لاذعة بسبب أدائها التمثيلي.. مايان السيد: أنا لسه بتطور

حرصت الفنانة الشابة مايان السيد الرد على الانتقادات التي تعرضت لها مؤخرًا بسبب أدائها التمثيلي في مسلسل 1000 حمد الله على السلامة مع النجمة يسرا.

تحيا مصر يرصد تفاصيل رد مايان السيد على الانتقادات

رد مايان السيد على الانتقادات

حيث قالت مايان خلال مقطع فيديو لها عبر حسابها الشخصي على موقع تبادل الصور والفيديوهات إنستجرام: أنا قررت السنة دي، إن ليه ماجربش وليه مالعبش وأنا كنت حابة إن أنا أعمل ده وأني أخد ريسك وأجرب أعمل حاجة جديدة بعيدة عني شوية.

وتابعت: ممكن يكون ناس كتير شافوا إن دمي مش خفيف مثلًا أو إن أنا مش لايق عليا الكوميدي، وده من حقكم إن يبقي ليكم رأي وأنكم تعبروا عن الرأي ده طبعًا وأنا من ناحيتي حلو إن أنا أعرف فين الانتقادات دي وإيه اللي أقدر أشتغل عليه ويبقي أحسن لأن أنا لسه بتطور ولسه مش بعتبر نفسي إن أنا خلاص بقيت فنانة أنا لسه بكبر ولسه بتعلم من الاساتذه اللي أنا بشتغل معاهم.

واستكملت: أنا فاهمة الانتقادات وفاهمة آراء الناس وأنا مستوعباها، وأنا يعني مش مغرورة عليها ولا شايفة نفسي إن أنا أحسن واحدة في الدنيا، أنا بس عايزة أقولكم من حق أي ممثل، إن هو يجرب ولو أنا ماكنش أحسن حاجة ليا السنة دي فإن شاء الله أتعلم وابقي أحسن وفيه ناس برضو حبيت سماح كندا، وأنا مبسوطة إن فيه ناس حبيت الشخصية وإن فيه ناس كتير بتتفرج على مسلسل 1000حمد الله على السلامة ودي حاجة جميلة يعني.

يسرا في رمضان 2023

وتقدم النجمة يسرا خلال موسم رمضان المقبل مسلسل "1000 حمد الله ع السلامة" وينتمى إلى طابع الأعمال الكوميدية التي تراهن عليها خلال الموسم الرمضانى، من إخراج عمرو صلاح، وتأليف حاتم ذو الفقار، وإنتاج العدل جروب، وكشف التيزر عن كوميديا يسرا وعائلتها، حيث أوضح أن يسرا تبحث عن طنط سوسو" وهى حماتها في أحداث المسلسل.

وجاءت المواعيد كما أعلنتها القناة كالآتي:

• العرض الأول: 4:30 عصرًا
• الإعادة الأولى: 11:00 مساءً
• الإعادة الثانية: 6:15 صباحًا
• الإعادة الثالثة: 9:45 صباحًا