مجدي بدر: متعود على الضرب من محمد رمضان ولو مكنتش عملت بلال شامة كنت هعمل دور دلال

حل الفنان مجدي بدر ضيف على برنامج “التاسعة”، الذي يعرض على التليفزيون المصري، وتحدث خلاله عن تفاصيل شخصيته في مسلسل “جعفر العمدة”، الذي يعرض ضمن مسلسلات رمضان 2023.

تحيا مصر يرصد في ذلك التقرير تصريحات مجدي بدر في برنامج التاسعة

مجدي بدر: متعود على الضرب من محمد رمضان وهو ممثل محترف

وقال مجدي بدر عن تفاصيل تعرضه للضرب من محمد رمضان، فقال: “أنا متعود على الضرب من محمد رمضان، محمد رمضان ممثل محترف، بيضرب ومبيضربش، وبعد المشهد وبعد الضرب دا كله، مقالش ولا كلمة حضني جدا، وده أحسن تعبير من محمد رمضان وكفاية أوي، وبعد الضرب ده كله باصلي، لقيته بيحضني تاني، وأقول له المرة اللي جاية مش هخطف ابنك”.

مجدي بدر: لو مكنتش عملت دور بلال شامة كنت هعمل دور دلال

وتابع مجدي بدر: لو مكنتش عملت دور بلال شامة كنت عملت دور دلال، ودور إيمان العاصي كان مفاجأة لي، وكل واحد في المسلسل عامل شخصيته بشكل جيد، ومحمد سامي عنده الوقت إنه يعيد الشخصيات، إذ كان ليا رأي إن ممكن أقوله إن القيادات في المتحدة حاسس إن عندهم قرار إن مفيش عمل هيخش الموسم المقبل من غير ما يكون كامل.

مجدي بدر: مبحبش اتفرج على نفسي غير لو لوحدي

وعن التعاون مع الفنان محمد رمضان، والمخرج محمد سامي، قال بلال شامة: محمد سامى قعد معايا وشربني الدور، وحببني فيه، وفي مساوئ الشخصية جدًا، ودي كمان مش أول مرة ألعب دور الشر، ولما بخلص التصوير بقلع الشخصية وبرجع لشخصيتي العادية، التعامل مع محمد رمضان مختلف عن التعامل وقت فيلم عبده موتة، والتعامل مع محمد رمضان دولتق مختلف ومكنش فيه احتكاك معاه المرة دي بناءًا على تعليمات محمد سامي عشان أحافظ على مشاعري في المشاهد، وقال لي خليك عارف إنه لو قابلك هيقتلك.

واختتم مجدي بدر حديثه، قائلا: “مبحبش أتفرج على نفسي غير لو لوحدي، ومفيش غير مراتي سامية عاطف اللي ممكن تتفرج معايا”.

مسلسل جعفر العمدة من بطولة محمد رمضان وزينة، هالة صدقى، إيمان العاصى، مى كساب، منة فضالى، أحمد داش، منذر رياحنة، عصام السقا، فريدة سيف النصر، مجدى بدر، أحمد فهيم، فتوح أحمد سلوى عثمان، فريدة سيف النصر، جورى بكر، طارق النهرى، أحمد عبد الله، احسان الترك وضيف الشرف بيومى فؤاد، ومن تأليف وإخراج محمد سامى