هالة صدقي لجمهورها بعد نجاح جعفر العمدة: كل هدفنا كان هو إسعادكم

وجهت النجمة المصرية هالة صدقى رسالة شكر لكل العاملين في مسلسل جعفر العمدة الذى عُرض في موسم رمضان المنصرم 2023.

تحيا مصر يرصد رسالة هالة صدقي بعد نجاح جعفر العمدة. 

هالة صدقي توجه رسالة شكر لصناع جعفر العمدة

ونشرت هالة صدقي مقطع فيديو عبر حسابها الرسمي بموقع تبادل الصور والفيديوهات القصيرة إنستجرام قالت فيه: مبروك لكل زملائي وزميلاتي، وصدقوني كل هدفنا هو إسعادكم، وشكرا  للمخرج محمد سامى على المجهود الرهيب الذى بذله، وشكرا لمديرى التصوير والإضاءة والإكسسوارت، والعمال تعبوا كانوا بيشتغلوا بال 16 ساعة.. والسنة الجاية يكون فى عمل أحلى وأحلى".

تصريحات هالة صدقي التليفزيونية 

وقالت هالة صدقي خلال استضافتها في برنامج معكم والتي تقدمه الإعلامية منى الشاذلي ويعرض عبر قناة سي بي سي: نحاجي في المسلسل ده هو نجاح بنات جيلي لأن البعض مش مهتمين بينا وبينزلونا درجة تانية ومش بيدونا حقنا ومش بيستغلوا خبرتنا وبيستسهلوا.

هالة صدقي: جيلنا كله مظلوم
وأضافت:  جيلنا كله مظلوم ومش مبسوطة من اللي بيحصل واحنا عندنا مواضيع مهمة ومش عندي مشكلة نشغل الشباب بس ناخد حقنا.

هالة صدقي في معكم منى الشاذلي

كما تحدثت هالة صدقي عن أزمتها الأخيرة وقالت: ماشية بمبدأ أمشي عدل يحتار عدوك فيك ولو صادقة وماشية صح كل حاجة هتبقى مظبوطة.

هالة صدقي: تجاوزت اللي حصلي ولا كأن حاجة حصلت
وتابعت هالة صدقي: تجازوت اللي حصلي ولا كأن في حاجة حصلت وبشكر ربنا أن تجربتي كانت تافهه وكانت مجرد شوية مشاكل وإجراءات وليها حل، وفي حاجات أصعب مكنتش هقدر عليها

كما كشفت هالة صدقي عن حبها الشديد للسباحة وقالت: بعوم ساعتين تلاتة وعمري ما أنسى إني سباحة ولو عندي مشاكل الدنيا ونزلت أعوم بنسى المشاكل لأنها الراحة بالنسبالي.

تحدثت الفنانة هالة صدقي عن كواليس مسلسل جعفر العمدة، وقالت: نجاح غير عادي وأنا مخضوضة مع إني لسه مخرجتش وسط الناس لكن شوفته على السوشيال ميديا، و أنا فرحانة بس مش فرحانة أنا ست كئيبة بطبعي لأني بسأل انتي هتعملي إيه بعد كده، وكان في كيميا عظيمة بيني وبين محمد رمضان وحلو لما يبقى الاتنين ممثلين وهو ممثل وشاطر وموهوب ولما احنا الاتنين مع بعض بنبقى شغالين على خط واحد وسامي معانا احنا التلاتة طلعنا مشاهد أكثر من رائعة،  نجاح شخصية صفصف كان بسبب محمد سامي.