شيرين عبد الوهاب للجمهور: حبكم وصلي ورجعتوني تاني للدنيا

حرصت الفنانة شيرين عبد الوهاب على توجيه رسالة شكر للجمهور على دعمها لهم، وذلك خلال حفلها في دولة الإمارات بمدينة دبي على مسرح كوكاكولا أرينا.

تحيا مصر يرصد في ذلك التقرير رسالة شيرين عبد الوهاب لجمهورها

شيرين عبد الوهاب للجمهور: ألف شكر على كل حاجة عملتوها علشاني

وقالت شيرين عبد الوهاب خلال الحفل: “مديونة ليكم بكلمتين لازم أقولهم، قد إيه حبكوا وصلي وسؤالكم، وإنتوا رجعتوني تاني للدنيا، أنا ممتنة جدًا ليكم.. ألف شكر على أي حاجة عملتوها علشاني، ونعم الجمهور ونعم الحب”.

وكانت قد رحبت بهم في بداية حفلها في دبي، فقالت:  “وحشتوني.. خلاص شوشو رجعت ومش هغيب عنكم تاني أبدا”.

شيرين عبد الوهاب وحفل دبي

وشهد حفل شيرين عبد الوهاب في دبي عدد من المواقف منها سقوطها على المسرح أثناء تقديمها إحدى الأغنيات، الأمر الذي جعلها تنفعل على منظمي الحفل، قائلة: “هرفع قضية عشان اللي بيحصل مع الفنان ده حرام وقلة ذوق.. بعدين أنا ليا تصرف تاني.. شيرين رجعت تاني، هطلب تعويض كبير، يلا خلينا نأمن مستقبل العيال”.

وتابعت: “عادي ما يقع إلا الشاطر، بجد حاجة صعبة.. ودلوقتي بكرة على السوشيال ميديا هيسيبوا كل حاجة وشوفوا شيرين وقعت، أنا المفروض دلوقتي لو أنا مأمنة على رجلي أخد منكوا قد إيه من المنظمين، بس يلا معلش، شوفوا اللي بيحصلنا”.

واختتمت حديثها: شوفوا والله.. بجد شوفوا كل فنان حصل معاه موقف زي ده بسبب السماعات ديه المفروض تتدفن في المسرح عشان المطرب ميقعش.. ولكن للاسف المنظمين عمرهم ما بيتعلموا.

أعمال تنتظرها شيرين عبد الوهاب

هذا  وتستعد شيرين عبد الوهاب أيضا لطرح عمل غنائي جديد بعنوان “عودتني الأيام” من كلمات أحمد المالكي وألحان تامر عاشور، وتوزيع نابلسي، ومن المقرر أن تطرحها قريبا، بالإضافة إلى مشاركتها في إعلان حديد عز بأغنية “انت البيت”، والتي تم طرحها في رمضان 2023.