أشرف زكي يوجه رسالة عتاب لبعض الفنانين: اللي عملك نجم البلد اللي أنت بتنال منها دلوقتي

وجه الدكتور أشرف زكي، نقيب المهن التمثيلية، رسالة عتاب لعدد من الفنانين، خلال لقائه اليوم ببرنامج بصراحة، المذاع على شاشة تلفزيون قناة الحياة.

تحيا مصر يرصد تفاصيل تصريحات أشرف زكي ببرنامج بصراحة

رسالة عتاب وشكر من أشرف زكي

وقال أشرف زكي: أنا بوجه رسالة عتاب لأي حد يسيء للبلد، وخاصة أن فيه بعض الفنانين للأسف نسيوا فضل البلد عليهم، والله يا ابني اللي عملك نجم كبير البلد دي اللي أنت دلوقتي هربان برا وبتنال منها، ومحدش منهم لجأ ليا أنهم ممكن يرجعوا مصر، ومفيش قنوات مفتوحة بيني وبينهم.

وتابع: وأنا بشكر مراتي، وبناتي الاتنين لأنهم مستحملني، والله أنا حياتي صعبة مش سهلة، وبشكر زملائي على ثقتهم فيا وعلى أن هما اختاروني أمثلهم، ودا شرف كبير محلمش بيه، وأنا من حقي أن أشكو وأنا راجل تارك أموري على ربنا وربنا مش بيختار غير الأحسن.

دعم أشرف زكي لزوجته

وسبق وأن كشفت الفنانة روجينا عن تفاصيل دعم زوجها الفنان أشرف زكي لها في تجربة مسلسل ستهم، وذلك خلال لقائها مع المذيعة بوسي شلبي عبر شاشة تلفزيون قناة تن.

حيث قالت: لو فضلت عمري كله أشكره مش على اللي عمله معايا طول حياتي بس على مسلسل ستهم، مش هيكفي.. أشرف زكي كان مؤمن بمشروع مسلسل ستهم، وكان دافع لينا كلنا في الوقت اللى كنا محبطين وشايفين أن العمل بيضيع، هو كان بيدعمنا.

وتابعت: أشرف زكي دافع قوي للنجاح وكان بيقولي -لما أحس بإحباط- هتنجحوا وخليكوا في الفن وابعدوا عن المشاكل وركزوا في الفن بس ومسلسل ستهم هينجح.

حقيقة مرض عبلة كامل

وعلى صعيد آخر، كشف الدكتور أشرف زكي نقيب المهن التمثيلية، تفاصيل اعتزال الفنانة عبلة كامل للفن، وحقيقة إصابتها بسرطان الثدي وعلاجها في إحدى المستشفيات.

وتابع أشرف زكي خلال لقائه مع الإعلامية أميرة بدر ببرنامجها “VIP” المذاع على شاشة “هي”: أعوذ بالله مافيش الكلام ده، الفنانة الكبيرة عبلة كامل زي الفل، وبتواصل معاها وبنقعد نتكلم ونهزر ونضحك، وهي صديقة عزيزة وعظيمة وبنعتبر نفسنا أكتر من إخوه.

وأضاف أشرف زكي: عبلة أخدت قرار أنها تبتعد، تواصلت معها وقت مهرجان الدراما أنا ودكتور يحيى الفخراني، وهي رفضت، ولو تعبانة أكيد كانت قالتلي، وقولتلها ترجع عشان خاطري قالتلي مش حابة وخاطرك على عيني.