خاص|ماجدة خير الله عن إحياء عمرو مصطفى لصوت أم كلثوم: مفيش مشكلة هنشوف الإنتاج شكله إيه في النهاية

علقت الناقدة ماجدة خيرالله على قرار الفنان عمرو مصطفى لإحياء صوت السيدة أم كلثوم في أغنية من ألحانه، وذلك بالذكاء الاصطناعي.

تحيا مصر يرصد لكم تعليق ماجدة خيرالله على قرار عمرو مصطفى

وقالت ماجدة خيرالله في تصريح خاص لموقع تحيا مصر: لما يعمل الأغنية أشوف النتيجة إيه، وهو مش هيبقى صوتها هو هيبقى صوت شبه صوتها.

وتابعت: إذا في وسيلة جديدة يبقى مفيش مشكلة، وهي أكيد مش هتغني أغاني من بتاعتها، وهنشوف المنتج شكله إيه في النهاية.

عمرو مصطفى وأم كلثوم

وكان قد قرر الملحن والمطرب عمرو مصطفى إحياء صوت كوكب الشرق أم كلثوم، وطرح أغنية جديدة لها من ألحانه، مستخدما الذكاء الاصطناعي، وذلك خلال الفترة المقبلة، وشوق عمرو مصطفى الجمهور من خلال طرح مقطع صغير من الأغنية عبر حساباته الرسمية على مواقع التواصل الاجتماعي.

 وكتب: على مدار 24 سنة قدمت عديد من الألحان لنجوم الوطن العربي.. ومؤخرًا مع تطور التكنولوجيا والذكاء الاصطناعي.. حبيت اسمع لو كوكب الشرق السيدة أم كلثوم غنت من ألحان عمرو مصطفى هيكون إيه الناتج.. تعالو نسمع سوا صوت كوكب الشرق أم كلثوم من ألحان عمرو مصطفى وقريبا هتسمعوا الأغنية كاملة.

آخر أعمال عمرو مصطفى

يذكر أن عمرو مصطفى طرح ميني ألبوم «مالوش زي»، بالتزامن مع عيد الفطر الماضي، طرحه عبر قناته الرسمية على يوتيوب، ومختلف منصات الاستماع في الوطن العربي.

وكانت معظم أغاني ميني ألبوم«مالوش زي» من كلمات الشاعر مصطفى ناصر، حيث تعاونا في خمس أغان من أصل ست، ما عدا أغنية تيجي تيجي التي كتبها الشاعر عمرو يحيى.

كلمات أغنية اللي مالوش زي

ما شوفتوش حبي ليه قد ايه
ده اللي اسيب عمري أنا بين ايديه
ده لو غاب عليا ثانية قلبي عني يغيب
وايه لزوم كلامي لو ماكنش كله عليه

ما شوفتوش حبي ليه قد ايه
ده اللي اسيب عمري أنا بين ايديه
ما شوفتوش حبي ليه قد ايه
ده اللي اسيب عمري أنا بين ايديه

لو الناس دي نور ده شمس ونهار
قمر وفجماله ما عندوش هزار
دقيقتين معاه بأيام الدنيا دي
بايني اتعلقت بيه
هعوز بعده في عمري ايه

ما شوفتوش حبي ليه قد ايه
ده اللي اسيب عمري أنا بين ايديه
ما شوفتوش حبي ليه قد ايه
ده اللي اسيب عمري أنا بين ايديه