سماح أنور بعد هجوم الجمهور عليها: مكنتش هبقى أي حاجة لولا مصر وشعب مصر

خرجت الفنانة المصرية سماح أنور عن صمتها لترد على هجوم الجمهور عليها بعدما صرحت بأن الشعب يكره الفنانين وينظر لهم نظرة دنيئة، وذلك خلال مقطع فيديو نشرته عبر حسابها الرسمي بموقع.تبادل الصور والفيديوهات القصيرة إنستجرام مع الفنان أشرف زكي نقيب المهن التمثيلية.

تحيا مصر يرصد رد سماح أنور على هجوم الجمهور عليها. 

أشرف زكي يدعم سماح أنور

وقال أشرف زكي خلال في فيديو: برحب بحضراتكم.. الفيديو بسجله من داخل مسرح نقابة المهن التمثيلية وبتشرفني النهاردة الفنانة الكبيرة سماح أنور.. الفيديو ده معمول عشان أستاذة سماح أنور عايزة توضح بعض الأشياء التي وصلت للناس بطريقة غير مقصودة. 

سماح أنور توضح سوء الفهم

وتابعت سماح أنور: بشكر حضرتك لوجودك جنبي في الموقف ده وسوء الفهم ده.. أولا شكرا لكل الناس اللي تفهمت موقفي ووقفت جنبي.. وبالنسبة للناس اللي فهموا موقفي غلط أحب أوضحلهم أنا ست مصرية طول عمري وأهلي مصريين، ومصر لها عليا كتير ومكنتش هبقى أي حاجة لولا مصر وشعب مصر.

وأضافت: كان عندي مشكلة شخصية تخص والدي ووالدتي الراحلين وعملت فيديو كنت منفعلة جدا تجاه الناس اللي تسببوا بالمشكلة دي واتفسر الفيديو بشكل غلط.. أحب أقول جملة واحدة بس معتقدش إن فيه أي جملة تانية تنفع بعدها.. مصر وشعب مصر خط أحمر.

أزمة سماح أنور مع الجمهور

وكانت قالت سماح أنور خلال بث مباشر لها عبر حسابها التواصل الاجتماعي فيسبوك: الشعب بيكره الفنانين وبيشتمهم وبيبصلهم بصة دنيئة، وده مش بيهم الفنان لأنه بيبدع عشان يتبسط ويبسط الناس واللي مش سعيد بيهم يولع، إحنا كفنانين مش بنعمل الفن عشانك، إحنا بنعمله عشاننا إحنا وعشان خاطر موهبتنا اللي ربنا خلقنا بيها.

وتابعت: مهما الدولة عملت في البلد عشان ترتقي بيها مش هتعرف طول ما في ناس مش عايزين حاجة حلوة تحصل في البلد، وأنا بالنيابة عن أولاد الفنانين الراحلين برجو وزارة الثقافة تكمل في مبادرة عاش هنا، ولو جمهوري وقف ضدي مش عايزة جمهور.

وكشفت رفض صاحب العقار الذي كانت تسكن به هي وأسرتها، وضع لافتة عاش هنا الخاصة بوالديها، وكذلك رفض صاحب البناية الخاصة بالفنانة الراحلة شادية، وأكدت سماح على أنها ستتقدم بشكوى رسمية ضد كل رافضي مباردة عاش هنا.