عاجل
الجمعة 29 مارس 2024 الموافق 19 رمضان 1445
رئيس التحرير
عمرو الديب

رماني في الشارع بالملابس الداخلية.. زوجة: طلقني غيابي وحياتي ذل وقهر وإهانة

الزوجة
الزوجة

جحيم زوج تعرضت له الزوجة.. تلك السيدة الثلاثينية، التي أذاقها زوجها مرار الدنيا في منزل الزوجية، ما بين ضرب وإهانة وقهر، حتى أنها أصيب بالغضروف جراء أفعاله، وأنجبت طفلا مصابا بالتوحد فرفض علاجه فرفض علاجه حتى قام بتطليقها غيابيا.

زوجة تستغيث: مشوفتش من جوزي غير ذل وقهر

وسردت الزوجة مأساتها مع زوجها قائلة «أتجوزته وسافرت معاه برا في الخليج، هو شغال مهندس إتصالات ومرتبه من 7 سنين كان 20 ألف ريال، دلوقتي مش عارفة بس تقريبا وصل بالمصري لـ نص مليون جنيه في الشهر، ومن أول الجواز وأنا بضرب وأتشتم كل شوية».

وتابعت الزوجة قائلة «كل شوية كان بيضربني.. كل حاجة كانت قهر وذل وإهانة، طيب هل دي هي المودة والرحمة، كان كل ما يحصل مشكلة بينا يضربني ويشتمني، وفي مرة داس على ضهري وجالي غضروف، وروحت المستشفى قالولي لازم عملية أو العلاج الطبيعي بس كدة كدة هتعيشي بالغضروف ده، وهو كلم أمي قالها دي أتزحلقت بس ومفيهاش حاجة».

ثلاثينية: جوزي مرتبه نص مليون جنيه ومش بيصرف

وأضافت الزوجة لـ تحيا مصر «في المستشفى قالولي بلغي عنه واعملي محضر هيترحل من السعودية ويرجع بلده، وأنا قولت جوزي وحرام أضيع مستقبله خليني ساكتة، وسكت على كل اللي كان بيحصل فيا، وفي الأخر رايح يطلقني غيابي».

وأكملت الزوجة في حديثها: إحنا عندنا ولد مصاب بالتوحد الشديد، من ساعة ما أتولد قولتله الولد ده في حاجة غلط ومش طبيعي قالي لا إنتي بس اللي قلقانة زيادة إنتي وأهلك هو زي الفل، وللأسف الطفل المرض شد عليه وبقى عنده 6 سنين ومش بيتكلم، ده حتى هو نزل أجازة من 4 سنين والولد عضه في إيده عشان ميعرفهوش راح ضربوا بالحزام وقاله إذا كنت مجنون فأنا أجن منك».

زوجة: ضربني في ضهري وقال لأمي إتزحلقت

وتابعت الزوجة «إبني من ساعة من أتولد مش بينام، وهو بعت فلوس لمدة 4 فلوس لمركز صحي عشان الولد يتعالج وبعدها قالي أصرفي إنتي بقى عليه، خلي أهلك يدفعوا فلوس ليكي ولإبنك، وبعد كل اللي شوفته معاه من قهر وذل طلقني غيابي».

تابع موقع تحيا مصر علي