البلوجر سارة محمد توجه رسالة للفنان تامر حسني: عايزة اتواصل معاك بأي طريقة

وجهت البلوجر سارة محمد رسالة إلى الفنان تامر حسني، كما طالبت من الجمهور أن تتواصل معه ، موضحة أنه كان دائمًا ما يتواصل معها.

تحيا مصر يرصد لكم رسالة البلوجر سارة محمد لـ الفنان تامر حسني

وقالت سارة في فيديو عبر حسابها بموقع التواصل الاجتماعي فيسبوك: حابة تساعدوني إني اوصل تامر حسني وحضرتك كنت بتسأل عليا ومعايا ومقصرتش معايا في أي حاجة وكنت عايز تسفرني لـ ألمانيا.

وتابعت: ولما بعتلي الدعوة السفارة رفضت تديني التأشيرة وأحمد ثروت عمل اللي عليه بس التأشيرة اترفضت للأسف.

البلوجر سارة: ساعدوني اتواصل مع تامر حسني بأي طريقة

وأضافت: وكنت بتتواصل معايا عن طريق شخص ورقمك الخاص هو رفض يدهوني وقال أنه مسحه من عنده وأنا مش عارفة اتواصل مع حضرتك وعايزة اتواصل معاك بأي طريقة ويارب مكنش ازعجتك.

واختتمت: يا جماعة ساعدوني أن أستاذ تامر يشوف الفيديو واتواصل معاه بسرعه عشان عيني واخر أملي عشان اسافر، و هو واستاذ أحمد ثروت اللي كانوا هيسفروني، ويبقى عندي أمل ومفقدهوش وبشكركم.

تطورات الحالة الصحية للبلوجر سارة

وسبق وكشفت البلوجر سارة محمد عن تفاصيل أخر تطورات حالتها الصحية، وقالت سارة في مقطع فيديو لها: أنا طالعة اطمنكم عليا، كتير جدا بعتولي أني اختفيت، وحاولت أكون معاكم لايف الفترة اللي فاتت، أنا الحمد لله بخير بس الفترة اللي فاتت كانت صعبة عليا شوية.

واستكملت:  كنت تعبانة وجالي دور برد في معدتي، كنت على طول تعبانة وبرجع بس الحمد لله اتحسنت، و بالنسبة لدماغي أنا باخد علاج مخ وأعصاب والحمد لله الكهربا مبقتش معايا زي الأول، والجبهة عندي اتحسنت شوية، والفترة اللي جاية هعمل العين الصناعية، وعندي أمل في ربنا أني أرجع أشوف تاني.

تحذير البلوجر سارة محمد

وسبق وأن نشر البلوجر عمر حسين مقطع فيديو لـ البلوجر سارة محمد، تحذر فيه المتابعين من استغلال اسمها في جمع التبرعات لعلاجها، مؤكدة على أنها بكامل قواها العقلية، وقالت سارة في الفيديو: مش عايزة أي حد يحاول يبعت فلوس لأي رقم لأن أن بيتم استغلالي ماديًا، أنا مش بيوصلي جنيه من حد، أنا مش بطلب تبرعات من حد.