حورية فرغلي تنفي خطوبتها من نزار الفارس: عمل الموضوع ده عشان يبقى تريند وهرفع عليه قضية

كشفت الفنانة حورية فرغلي حقيقة خطوبتها من الإعلامي نزار الفارس، حيث أعلنت ريهام سعيد الخبر منذ قليل، وذلك في برنامجها صابا الخير.

تحيا مصر يرصد لكم نفى حورية فرغلي خطبوتها من نزار الفارس

وقالت حورية فرغلي خلال مداخلة هاتفية عبر برنامج صبايا الخير: أنا بجد بقيت اخاف من الناس فعلا، البرنامج ده بيكلموني من اسبوع وبيقولوا استاذ نزار عايز  يقعد معايا وكنت أول مرة في حياتي اشوفه امبارح وفتحتلهم بيتي والمصورين والاضاءة والصوت.

وتابعت: أنا قاعدة مع مامتي وأول ما دخل قعد قالي انتي بتحبي ماجد المهندس قالي تحبي ترقصي على الأغنية واتصوروا عادي وكنت بجامله عادي وبرحب بيه وهو من دخل بيصور فيديوهات.

حورية فرغلي: متخطبتش لزار ولا أي راجل وهرفع قضية

وأضافت: أنا متخطبش لنزار ولا أي راجل في الدنيا وهرفع عليه قضية، وأنت خطبتني من مين، ليه تعملي مشاكل وكل شوية حد يكلم ابويا يقوله بنتك اتخطبت.

حورية فرغلي لنزار الفارس: ليه تعمل فيا كده

واستكملت: كنا بنعمل الفيديو هزار وهو عمل الكلام ده واحنا بنهزر مش بنصور، وأنا دلوقتي قررت مش هعمل أي لقاء مع أي صحفي أنا فتحت بيتي ورحب بيه وكنت تعبانة وعملت معاك اللقاء ليه تعمل فيا كده. 

حورية فرغلي: عمل الحكاية دي عشان يبقى تريند

واسطردت: لو هو قالي تيجي نتجوز هو في حد يتجوز حد أول ما يشوفه لكن ليه من ورايا تقول خبر زي ده، وهو كان بيجي مصر يعمل لقاءات وعمل الحكاية دي عشان يبقى تريند. 

وكشفت: أزاي أنا العروسة ومعرفش انت عايز تعمل بروباجندا وأنا واحدة من ضحاياك، حسبي الله ونعم الوكيل فيك ومش من حقك تقول خبر حصري عني وهرفع عليك قضية رد شرف افرض متجوزة في السر؟. 

وتابعت: لو اتجوزت مصر كلها هتعرف عشان هبقى فخورة وأنا مش هتجوز دلوقتي ولا في حد في حياتي.

واختتمت: يعني ايه تعمل كده مش من حقك تقول طب اسالني تتجوزني ولا وتروح تكتب في كل المواقع انا اتجوزت حورية فرغلي.

ووجهت رسالة لريهام سعيد وقالت: ساعديني في الموضوع ده وانا ندمانة اني عملت معاه اللقاء ده، وده كنت تصوير حلقة برنامج فقط لا غير.