محمد سامي: مي بترفض تشتغل معايا وفي فنانة قالت أن هي مش هتشتغل معانا وأنا عمري ما رشحتها لعمل

كشف المخرج محمد سامي أن الفنانة مي عمر لا تفضل العمل معه خوفًا من حديث البعض، كما كشفت مي عن تربية محمد سامي للحيوانات في المنزل.

تحيا مصر يرصد لكم تصريحات محمد سامي ومي عمر 

وقال محمد سامي خلال استضافته في برنامج صاحبة السعادة والتي تقدمه الإعلامية إسعاد يونس ويعرض عبر قناة سي بيس ي: أنا ومي بنفكر أننا مش هنشتغل في عمل إلا لو مفيد لينا، ومي رافضة الشغل معايا وفي نسر الأغراب فضلت أتحايل عليها تعمله بسبب كلام الناس، وهي مش بتحب المشاكل وأنا مش بيفرقلي وبعملها مسلسل دلوقتي.

محمد سامي: في فنانة قالت أن هي مش هتشتغل معانا وأنا أصلًا عمري ما رشحتها لعمل

وكشف محمد سامي: في فنانة قالت أن هي متوافقش تشتغل معايا أنا ومي عمر سوا رغم إني عمري ما رشحتها في عمل ولا عايزها تشتغل معايا وهي رافضة بدون عرض مننا أصلًا.

مي عمر: كنت بتخانق أنا وسامي في بداية جوازنا بسبب الكلاب

وكشفت مي عمر عن حب محمد سامي للحيوانات وقالت: أول ما أتجوزنا كنا بنخانق كتير بسبب الكلاب ومرة صحاني قالي عاملك مفاجأة ولقيته جايبلي كلب شبه الأسد ومرضتش أنه يعيش معايا في البيت.

وفي الحلقة ذاتها كشف محمد سامي كواليس مسلسل جعفر العمدة وقال: ربنا اللي رزقني بالفكرة بتاعت جعفر العمدة، والمسلسل كان تحدي وكان لازم يبقى أكبر نجاح في حياتي وكنت داخل السنة دي أعمل أهم مسلسل ياما مش عايز أعمل تاني، وفي المسلسل ده استعنت بصديق مهاب طارق وكنا بنشتغل 12 ساعة أو 18 ساعة.

محمد سامي: بخلص تصوير مسلسلي قبل رمضان

وأضاف: المسلسل نجح لأن صناعته صح ومحمد السعدي من كتر ما بزهقه في التفاصيل بيضايق، وبحس أن أول حاجة عشان المسلسل ينجح أكون داخل بالتلاتين حلقة وبخلص الورق والتصوير قبل رمضان مفيش تصوير في رمضان، ولازم تكون عارف هتعمل ايه وبشتغل بشكل بروفيشنال.

وتابع: بتيجي الشخصية وبألف الشخصيات وجاتلي فكرة صغيرة وببدأ أمسك كل الشخصيات، وبكون عايز أعرف يبقى في جذف في الشخصية، و تخيلت شخصية صفصف في مسلسل جعفر العمدة تكون شبه ماري منيب.