عاجل
الخميس 28 مارس 2024 الموافق 18 رمضان 1445
رئيس التحرير
عمرو الديب

9 يونيو.. مي فاروق وإيمان عبد الغني تحييان حفلًا جماهيريًا في السعودية

مي فاروق وإيمان عبد
مي فاروق وإيمان عبد الغني _ أرشيفية

تستعد كلا من الفنانة مى فاروق وإيمان عبد الغنى لإحياء حفلًا غنائيًا فى السعودية وذلك يوم 9 يونيو الجاري، فى إطار احتفالات التى تقيمها هيئة الترفيه.

تحيا مصر يرصد تفاصيل حفل مي فاروق وإيمان عبد الغني في السعودية.

تصريحات مي فاروق 

من جانبه، قالت مي فاروق:أنا بحب اللون القديم من وردة وأم كلثوم وفايزة وناس كتير بيحبوا يسمعوها مني، ولكن للأسف بيجي فئة مختلفة ويقولوا أم كلثوم خط أحمر ومحدش يغني لها ومحدش هيجي زيها؟ ليه يا جماعة؟ ليه من الأساس يتم مقارنتنا بيهم أنا بحبهم وبحب أغانيهم فليه مقدمهاش من جديد.

وتابعت: أم كلثوم نفسها بجلالة قدرها لما بدأت تتعرف غنت للناس اللي سبقتها، وهي كان حظها حلو وولقت دولة كاملة بشعرائها بمؤرخيها بيقفوا جمبها ولكن دلوقتي مفيش زي الكلام دا ولا بنقابله.

مي فاروق تعبر عن حبها لأم كلثوم

وأضافت: أنا بحب أم كلثوم وهفضل أغني ليها، وفيه أجيال مسمعتش الجيل دا لأنهم متولدوش في عصرهم، وفيه شباب حاليا بيسمعوا مني أغنية أم كلثوم اللي كانت بتتقدم في ساعتين خلال 20 دقيقة بشكل مبسط والناس بتتبسط وبيحبوها وبيقولولي أول مرة أسمع الأغنية دي، وطبعا سماع أغنية لمدة ساعتين دلوقتي بمثابة عمر، فأنا بعرف الأطفال والجيل الجديد على أغاني كوكب الشرق.

هذا وقد نشرت مي فاروق فيديو عبر صفحتها الرسمية بموقع التواصل الاجتماعي فيسبوك قالت فيه : بشكركم من قلبي علي كل الحب و الاهتمام الي وصلني منكم وقت تعبي ، فعلا انا محظوظة بحبكم.

أزمة مي فاروق الصحية

وتابعت: انا الحمد لله احسن كتير ، كان عندي مشكلة صحية و سكت عليها كتير لغايه ما أضطريت اعمل عملية جراحية وربنا سترها و عدت علي خير .

وعلقت على الفيديو قائلة: مليون شكرا لكل الي دعمني و دعالي في ازمتي الصحية ، بفضل ربنا ثم دعواتكم و حبكم عدت علي خير .. بحبكم جدا .

تابع موقع تحيا مصر علي