تخطى الـ 28 مليون جنيه.. إجمالي إيرادات فيلم يوم 13 بعد مرور 7 أسابيع على عرضه

استطاع فيلم يوم 13 بطولة الفنان أحمد داود، أن يحقق إجمالي إيرادات 28 مليون و569 ألف و772 جنيه، بعد مرور 7 أسابيع على عرضه بدور السينما في عيد الفطر 2023، محتلًا المركز الثاني.

تحيا مصر يرصد إيرادات فيلم يوم 13 بطولة أحمد داود

قصة فيلم يوم 13

وتدور أحداث فيلم يوم 13 حول عز الدين (أحمد داود)، الذي يعود من الخارج إلى قصر عائلته بغرض بيعه، ليكتشف أسرارًا لم تكن في الحسبان، ويشارك أحمد داود في بطولة الفيلم النجوم دينا الشربيني، شريف منير، أحمد زاهر، جومانا مراد، محمود عبد المغني، أروى جودة، نسرين أمين، محمد ثروت، فيدرا، محمد كيلاني، مجدي كامل، نهال عنبر، نهى عابدين، جيهان خليل، إيناس كامل، الفيلم موسيقى تصويرية هشام خرما.

أحمد داود في معكم منى الشاذلي 

من جانبه، قال أحمد داود خلال استضافته في برنامج معكم التي تقدمه الإعلامية منى الشاذلي ويعرض عبر قناة سي بي سي: بختار السينما أكتر من المسلسلات لأن أنا بحب السينما أكتر، ولو جالي مسلسل أو فيلم بختار الفيلم بس في مسلسلات مش بتتعوض.

وتابع: فيلم يوم 13  أعلى فيلم بيجيب إيرادات لغاية دلوقتي، وأطمنت أن أول ما بعمل حاجة وتنجح الناس بتجبلي الحاجات اللي عملتها قبل كده ومش خايف لو مكنتش موجود في فترة بس لازم أعمل حاجة تشرف.

وكشف أحمد داود: أول أجر خته  في حياتي 150 جنيه وقالي هديك المبلغ ده قولتله كتير عليا، ومكنتش اعرف انهم هيجبولي الهدوم وروحت جبت هدوم بالـ 150 جنيه.

كما تحدث داود عن علاته بالفنانة علا رشدي وقال:  لما اتعرفت على علا هي كانت أشهر مني وأنا مكنتش عايز منها حاجة ولا هي عايزة مني حاجة، وأنا شايف أن رحلة الاستثمار الحقيقي مع العيلة.

واستكمل أحمد داوود: علا علمتني كل حاجة من غير ما تاخد بالها، وهي دايمًا الاساس واللي بتعمل الخطط وتقولي هنعمل إيه، وخلتني أحسن وأجرب حاجات كتير، ودايمًا بتشجعني وفي ضهري.

تصريحات أحمد داود التليفزيونية

وتابع: علا بتحب السفر جدًا وعندها كهربا زيادة وبتكلمني الصبح في مواضيع كبيرة جدًا وبتفضل تعملنا خطط.