مونيا: نهاية مسلسل الحاج متولي اتغيرت عشان فكرة تعدد الزوجات| خاص

كشفت الفنانة مونيا السبب وراء ابتعادها عن التمثيل في الفترة الأخيرة، مشيرة إلى كواليس تعاونها مع النجم نور الشريف في مسلسل الحاج متولي.

تحيا مصر يرصد تفاصيل تصريحات مونيا

سبب ابتعاد مونيا عن التمثيل

وقالت مونيا في تصريحات خاصة لموقع تحيا مصر: أنا خلصت الدكتوراة بتاعتي وأنا عضو هيئة تدريس ومعينة في المسرح القومي، وبعمل كل سنة عرضين تقريبا فيهم غنا واستعراض وتمثيل، وأنا مبسوطة وعايشة حياتي راضية بيها.

وتابعت: وحاليا أنا رئيس لجنة الفنون في حزب الجيل الديمقراطي تحت رئاسة وقيادة أستاذ ناجي الشهابي، وأنا انشغلت في الشغل الاكاديمي ودا تطوعي ومش باخد فيه فلوس.

مونيا ومسلسل الحاج متولي

أما عن تعاونها مع النجم نور الشريف في مسلسل عائلة الحاج متولي قالت: كان حد رائع وقيمة وقامة وبنتعلم منه كلنا، وبيدرس الشخصية حلو أوي، ومكنش فيه مشاكل خالص.

وتابعت: في الحاج متولي اتطلب مننا أوامر من فوق والمجلس القومي للمرأة تحديدا عشان نغير من نهاية الحاج متولي زي ما حصل في جعفر العمدة، وقالوا لازم يتقال متتجوزش يا ابني زي ما أبوك عمل التانية والتالتة، ونور الشريف كان بيشتغل المشهد دا وهو زعلان لأن الفنان مبيحبش الأوامر.

قصة مونيا وخطيبها

وفي اللقاء ذاته، تحدثت الفنانة مونيا، بطلة مسلسل الحاج متولي، عن تفاصيل قصة حبها لخطيبها التي شهدت مرتين انفصال، معربة عن صدمتها حين اكتشفت وفاته.

وقالت الفنانة مونيا في تصريحات خاصة لموقع تحيا مصر: كل الناس عايزة تعرف أنا ليه متجوزتش الإنسان اللي اتخطبتله وايه اللي حصل، وأنا مخدتوش من مراته، أنا في الحقيقة اتخطبتله ومراته بنفسها كلمتني وباركتلي، الكلام دا من حاجة وعشرين سنة، وأنا اتبسطت جدا بحاجة زي دي أنها بتحصل، وكان بالنسبالي ازاي في زوجة بتقول لجوزها مبروك أنه خطبني.

مسلسل جعفر العمدة

جدير بالذكر أن مسلسل جعفر العمدة من بطولة محمد رمضان، هالة صدقي، زينة، مي كساب، منة فضالي، أحمد داش، أحمد عبد الله، منذر ريحانة، طارق النهري، عصام السقا، دعاء حكم، سلوى عثمان، مجدي بدر، وغيرهم من الفنانين، وذلك بجانب ظهور خاص للفنان بيومي فؤاد الذي ظهر بشخصية والد الفنانة زينة، والمسلسل من تأليف وإخراج محمد سامي.