أحمد السقا: الذكاء الاصطناعي حجمه ضئيل قدام المخ اللي ربنا خلقه لنا

كشف الفنان أحمد السقا عن رأيه في الذكاء الاصطناعي، ومدى تأثيره على البشر مستقبلا، وذلك من خلال مداخلة هاتفية له ببرنامج الستات ميعرفوش يكدبوا على شاشة تلفزيون قناة سي بي سي.

تحيا مصر يرصد تفاصيل تصريحات أحمد السقا

وقال أحمد السقا: ربنا ادانا المخ والعقل ده هو اللي عمل الانترنت والذكاء الاصطناعي وكل حاجة، أنا شايف أن الذكاء الاصطناعي حجمه ضئيل جدًا قدام المخ اللي ربنا سبحانه وتعالى خلقه لنا.

أبرز تصريحات أحمد السقا على الراديو 9090

وسبق وأن حل النجم أحمد السقا ضيفًا على برنامج الراديو بيضحك مع الإعلامية فاطمة مصطفى على محطة راديو 9090، وأثناء الحلقة تحدث الفنان عن الكثير من الأمور التي تخص حياته الشخصية والفنية، ومن أبرز تصريحاته في الحلقة:

• وأنا بعمل مشهد قتل الظافر لأخته كنت متضايق من نفسي جدًا، وكنت عصبي جدًا
• ملامحي اتغيرت لأني نزلت وزني، كنت باخد كورتيزون ولما وقفته عمل فرق في الشكل
• أنا آسف أني أكلت التعبان في رامز نيفر إند للي هما عندهم حقوق الحيوان، ومبسوط بالناس اللي فرحت
• أنا مقبلش أن يشتمني أحد لأني مش بشتم أو أزعل حد
• معنديش بودي جارد، بتمشى في الشارع لوحدي، فالحارس الله والمكتوب ليا هشوفه
• بحب السوشيال ميديا وبكره الجانب المظلم منها الفضائح والشتيمة وفضح الستر
• في مسلسل حرب خدت قرار أعمل إرهابي جاحد مش بالشكل التقليدي

رد أحمد السقا على شائعة مرضه

وعلى صعيد آخر، خرج الفنان أحمد السقا للرد على شائعة مرضه، الذي تداولها الجمهور بعد ظهورها بملامح غريب في برومو مسلسل الكبير أوي 7، الذي تم عرضه ضمن سباق مسلسلات رمضان 2023.

وقال أحمد السقا في برنامج et بالعربي: أنا زي الفل وكويس ومتشكر لكل اللي سألوا عني، أنا بخير ولا أعاني من أي شيء ومش عارف مين مصدر الشائعات دي، وعموما مشاهدتكم للحلقة هتكون خير دليل وأتمنى أنكم تستمتعوا بيها.

وكان قد ظهر أحمد السقا في برومو مسلسل الكبير أوي 7 للفنان أحمد مكي، بملامح غريبة حيث بدى على وجهه علامات المرض، ما جعل الجمهور يتنبأ بتعرضه لوعكة صحية شديدة إما أن السن قد أهلكه، وجاءت تعليقاتهم: "هو أحمد السقا عامل كده ليه أقسم بالله ما عرفته" ، "شوفت إعلان مسلسل الكبير أوي 7 وظهر أحمد السقا في لقطة استغربت شكله.. هو شكله عامل كدة ليه؟" ، "هو ده أحمد السقا فعلا؟".