عمر خيرت: برفض المشاركة في عمل مش مقتنع بيه.. وأغاني المهرجانات زي النكت

أكد الموسيقار الكبير عمر خيرت على أنه رفض المشاركة في أعمال سينمائية كثيرة، لعدم اقتناعه، وذلك خلال ندوة تكريمه المقامة اليوم بقصر السينما.

تحيا مصر يرصد تفاصيل تصريحات عمر خيرت

وقال عمر خيرت: ورفضت أعمال كتير، بيبقى فيه ناس بتجرب وعايزة اسم كبير، فأنا بقرأ السيناريو، وأقعد مع المخرج، ولو مقتنعتش مش هعمله.

عمر خيرت وأغاني المهرجانات

وفي الندوة ذاتها، كشف عمر خيرت عن رأيه في أغاني المهرجانات، فقال: مفيش تفسير علمي للجمهور اللي بيسمعني ويروح يسمع أغاني مهرجانات، أنا بتبسط لما بلاقي الجمهور عايزين الحفلة بتاعتي، وأنا بشوف أن دي هدية من ربنا.

وتابع: والفن الآخر اللي هي المهرجانات زي النكت، أو فرح والناس عايزة ترقص، وهيصة، إنما متقدرش تقوم الصبح أو بعد الضهر تشغل مهرجانات، وتقعد تسقف.

تصريحات عمر خيرت عن فاتن حمامة

كما حرص عمر خيرت على توجيه رسالة شكر لسيدة الشاشة العربية فاتن حمامة، نظرًا لدورها البارز في بداية مشواره الفني.

فقال: بشكر السيدة فاتن حمامة لأنها اللي ودتني السينما، وهي اللي اديتني الفرصة في بداية حياتي الفنية، كان في برنامج قطرات الندى، وطلبت مني أعملها خلفية موسيقية عن الأشعار اللي بتتقدم في البرنامج.

وتابع: والموسيقى لسه عايشة لحد دلوقتي في الإذاعة، والبرنامج دا كان يوميا بيتذاع الساعة 8 الصبح، ودي كانت أول حاجة أعملها بعد كدا فيلم ليلة القبض على فاطمة.

عمر خيرت يحيي حفل مؤسسة راعي مصر للتنمية

ومن ناحية أخرى، أحيا عمر خيرت حفل مؤسسة راعي مصر للتنمية عضو التحالف الوطنى للعمل الأهلى الموسيقار العالمى عمر خيرت بمصاحبة الأوركسترا الكبيرة وبقيادة المايسترو الدكتور ناير ناجي ، بحضور عدد كبير من كبار رجال الدولة والإعلاميين والفنانين.

ونشرت الصفحة الرسمية لمؤسسة راعى مصر على موقع التواصل الاجتماعى "فيسبوك" أن الحفل الأسطورى للموسيقار العالمى عمر خيرت وبمصاحبة الأوركسترا الكبير بقيادة المايسترو الدكتور ناير ناجى يوم الأحد 7 مايو السادسة مساء ويكون الحجز من خلال موقع تذكرتى.