مصطفى هريدي: اترفض ترشيحي في أعمال كتير بسبب إيناس الدغيدي.. وعمري ما هشتغل معاها تاني

كشف الفنان مصطفى هريدي سبب رفضه العمل مع المخرجة إيناس الدغيدي نهائيا بعد فيلم مجنون أميرة، وذلك خلال حواره مع الإعلامية إنجي هشام في برنامج المنسي عبر قناة  هي.

تحيا مصر يرصد تفاصيل تصريحات مصطفى هريدي

مصطفى هريدي وإيناس الدغيدي

وقال مصطفى هريدي: مأساءتش ليها على مدار سنين ولا في برامج ولا في أي مكان لكن من بعد الفيلم والهجوم عليا شغل كبير كان بيترفض ترشيحي فيه بسبب السمعه .

وتابع: سافرت وقعدت اربع سنين في الاردن عشان الناس تنسى فوجئت أنها بتتكلم عني في برنامج توك شو وبتتكلم في حاجات يعاقب عليها القانون يعتبر سب وقذف، هل يعقل أن مخلجة تحط ممثل في دماغها كل هذا السنين؟.

ومن جانبه، أوضح أنه لم يتخذ ضدها اي إجراء قانوني حينها، وقال: الصحافة وقتها كلمتني قلتلهم الموضوع عند المحامي خدوا كلامي وقالوا إني خدت ضدها إجراء لكن انا مخدتش ضدها اي إجراء لكن أنا كان ممكن اخد ضدها إجراء قانوني والصحافة نشرت ده.

رفض مصطفى هريدي من كلية الشرطة 

وسبق وأن صرح الفنان مصطفى هريدي عن سبب رفضه في كلية الشرطة، وذلك في لقائه ببرنامج الستات ميعرفوش يكدبوا.

وقال مصطفى هريدي في برنامج الستات ميعرفوش يكدبوا: كان نفسي اشتغل ظابط ودخلت وقدمت في كلية الشرطة وسقطت بسبب وداني اللي كانت وش السعد عليا بعد كده، وكانت أول سنة يحطوا حاجة اسمها اذن وطواطية على إنها علامية مميزة في الظابط، فسقطت بسبب إن عندي علامة مميزة.

وتحدث هريدي عن علاقته وبعض المواقف له مع الراحل عامر منيب، قائلًا: في بداية شغلي مكنش ليا أجر كبير، وعامر منيب سألني وقولتله، وقالي هتكلم مع المنتج واداني ضعف اللي كنت باخده.

تصريحات إيناس الدغيدي في أسرار النجوم

وعلى صعيد آخر، تحدثت المخرجة إيناس الدغيدي عما يميز كل مخرج سينمائي، والسبب وراء اتجاهها للإنتاج، وذلك خلال لقاءها ببرنامج "أسرار النجوم" مع المذيعة إنجي علي على محطة راديو نجوم إف إم.

حيث قالت إيناس الدغيدي: "مسيرة أي مخرج بتتعرف بعد فترة من الزمن وبيتم تقييمه، ودلوقتي أعتقد تم الاعتراف بيا كمخرجة ليا فكر معين ويمكن تتقبليه أو ترفضيه، والمخرج المتميز لما تشوفي فيلمه تقولي فيلم المخرج الفلاني، والمخرج غير المتميز اللي بيهتم بشكل العمل بس مش كتير يعرفوه".