لمياء فهمي: ارحموني انا معنديش سرطان كفايا تعملوا تريند على حسابي وكنت بالمستشفى بعمل عملية

خرجت الإعلامية لمياء فهمي لـ تطمئن الجمهور على حالتها الصحية، مشيرة إلى أنها خضعت لـ عمليتين جراحتين ولا تعاني من مرض السرطان كما أشيع عبر مواقع التواصل الإجتماعي المختلفة.

تحيا مصر يرصد في ذلك التقرير تصريحات الإعلامية لمياء فهمي عبر موقع انستجرام

لمياء فهمي تطمئن الجمهور على حالتها الصحية

وشاركت لمياء فهمي فيديو لها عبر حسابها الرسمي بموقع تبادل الصور والفيديوهات انستجرام، قالت فيه: انا عاملة الفيديو ده لـ كل حبايبي اللي عايزين يطمنوا عليا، أنا كنت في المستشفى بعمل عمليتين وهقولك التفاصيل لما أبقى قادرة شوية، وهعملكم كمان فيديو اشرحلكم فيه اللي حصل عشان تاخدوا بالكم.

وتابعت لمياء فهمي حديثها، قائلة: والله انا عملت الفيديو ده عشان اشكر الناس واطمنكم واقول للناس اللي بتاجر بالمرض كفايه بقي حرام عليكم انا ماعنديش سرطان ارحموني بقي انتم ماعندكوش غيري ايه مابتشوفش غير الترند ماتعرفوش ان ربنا موجود وشايفكم الله يسامحكم والله.

لمياء فهمي وشائعة وفاتها بالسرطان

ويذكر، أن لمياء فهمي دائما ما يثار الجدل بشأنها بسبب مرض السرطان، حيث ينتشر أنباء بشكل مستمر عن وفاتها بسب هذا المرض، ولكن خرجت لمياء فهمي في وقت سابق، وقالت: قولتوا قبل كدا عندي سرطان وطلعت في فيديو ورديت لكن ليه بتموتوني؟، ليه تقولوا نهاية الإعلامية لمياء فهمي؟ أنا عملتلكم إيه ولا جوزي عمل لكم إيه؟ اتقوا ربنا أنا اتخضيت ومقدرتش أسمع باقي الكلام عن وفاتي ولا أقرأ المكتوب على مواقع التواصل الاجتماعي، وخليتوا قرايبي يعيطوا عليا وأهلي يقلقوا، الكلام صعب جدًا، دلوقتي لما أموت بجد محدش هيصدق وهيفتكروا شائعة، الله يسامحكم مفيش بني آدم عنده ذرة إحساس وإنسانية يقول كدا، فوضت أمري لله.

لمياء فهمي ورسالتها المثيرة للجدل عن والدتها

جدير بالذكر، أنه سبق وأن أثارت لمياء فهمي الجدل برسالتها المؤثرة لوالدتها، والتي طالبت منها السماح من خلالها، فقالت: حقك عليا  لو كان عدي عليا لحظات ماكنتش فيها جنبك، حقك عليا أني في يوم غمضت عيني فيها وسيبتك، حقك عليا أن في يوم عدي ماكنتش تحت رجليكي، حقك عليا لو في يوم طلبتيني وماشوفتش وماردتش عليك، لو أعرف أنك هتروحي مني مكنتش كلت ولا شربت ولا نمت.