خاص| بيومي فؤاد عن مرضه: أعصاب رجلي تعباني بسبب زيادة الوزن.. ومش هعمل تكميم

تحدث الفنانة بيومي فؤاد عن تفاصيل مرضه وحقيقة بعده عن التمثيل لـ فترة بسبب المرض، وذلك على هامش العرض الخاص لـ فيلم “مستر إكس”، الذي أقيم في مساء أمس الثلاثاء في إحدى سينمات 6 أكتوبر.

تحيا مصر يرصد في ذلك التقرير تصريحات بيومي فؤاد عن مرضه

بيومي فؤاد: حصلي حاجة بسيطة في الأعصاب ولازم أخس

وقال بيومي فؤاد خلال لقائه بـ موقع تحيا مصر: متشكر لسؤالكم بس اللي حصلي حاجة بسيطة أعصاب رجلي تعباني فمحتاج إن أنا أخس شوية، وبأمر الدكاترة رايح لمكان بيحجزوني عشان أقدر أخس، وأنا مش بقدر أقف كتير أكتر من ساعة لان أعصاب رجلي  بتوجعني، وهوصل لـ وزني الطبيعي اللي كان فيه دكتور ربيع في مسلسل الكبير أوي 7.

بيومي فؤاد: أتمنى مستر أكس يحقق نجاح كويس لأن أحمد فهمي تعب

كما تحدث بيومي فؤاد عن مستر أكس متمنيا نجاحه في السينمات، فقال: يارب مستر إكس يحقق نجاح كويس لأني فهمي تعب وأحمد السبكي تعب ومبخلش بحاجة، وده تاني فيلم للمخرج أحمدعبد الوهاب محقق نجاح كويس، وهو متعلم وشايف كويس فمتوقله  نجاح كويس، وللاسف إننا بقينا نحسب نجاح الفيلم من ايراداته لكن فيه كم أفلام محققتش فلوس  لكن اما تتشاف هتبقى حلوة.

تفاصيل فيلم مستر إكس

جدير بالذكر، أن مستر إكس من بطولة أحمد فهمي، هنا الزاهد، محمد أسامة الشهير بـ أوس أوس، بيومي فؤاد، صبري فواز، محمد أنور، عمرو يوسف، مصطفى خاطر، ومن من تأليف أحمد عبد الوهاب وأمجد الشرقاوي، وتحت قيادة المخرج أحمد عبد الوهاب، وتدور أحداث  العمل حول قصة حب بين رئيس إحدى العصابات، وبين محامية تضعها الظروف في طريقه، فيحاول جاهدا إبعادها عن كل المخاطر.

وكان قد تألق بيومي فؤاد في فيلم شوجر دادي، تأليف لؤى السيد وإخراج محمود كريم وبطولة ليلى علوى، حمدى الميرغنى، بيومى فؤاد، مى الغيطى، فرح الزاهد، محمد محمود، مصطفى غريب وجوهرة وتامر هجرس عدد آخر من الفنانين، ومن ضيوف الشرف هشام عباس الذى يقدم أغنية أيضًا خلال الأحداث، ومروان يونس وسارة الدرزاوى.