أوس أوس لـ تحيا مصر: بنحاول نطلق الرجالة المقهورة من زوجتها في مستر إكس.. والكواليس مسخرة

تحدث نجم مسرح مصر “أوس أوس”، عن تفاصيل دوره في فيلم مستر إكس وكواليس العمل، فضلا عن مشاركة البيج رامي في أحدث الفيلم وتعرضه لمواقف محرجة مع زوجته.

تحيا مصر يرصد في ذلك التقرير تصريحات أوس أوس عن فيلم مستر إكس

أوس أوس: دوري في مستر إكس كوميدي رعب والكواليس كانت مسخرة

وقال أوس أوس خلال لقائه بموقع تحيا مصر على هامش العرض الخاص لـ فيلم “مستر إكس”: دوري اسمه جابي في التيم بتاع مستر أكس، وبنحاول إننا نطلق الرجالة المقهورة من زوجاتهم، والكواليس كانت مسخرة كلنا كنا بنحب بعض وكنا بنضحك وفيه ضيوف كتير ومشاهدات كتير جوة الفيلم الناس هتستمتع بيها، ودوري كوميدي رعب، وهتشوفوا بيج رامي في الفيلم مراته هتعمل اي فيه.

أوس أوس عن فيلم بعد الشر: ظهر الكيميا بيني وبين علي ربيع وأغنية سطلانة حققت نجاح كنا متوقعينه

وتطرق أوس أوس بحديثه عن فيلم بعد الشر: فيلم بعد الشر من التجارب اللي بحبها جدا، وكانت أول تجربة بيني وبين علي ربيع في فيلم مع بعض والحمدلله اتبسطنا من الشغل مع بعض جدا، والكيميا اللي بينا ظهرت للناس، ولقيت سطلانة من أول مااخترناه انها تكون متواجدة في الفيلم كنا متوقعين ان الناس هتحبها بس امتى وازاي جه وقتها الحمدلله والناس حبتها.

وعن أعماله القادمة، قال أوس أوس: هنخلص مستر إكس ونشوف ردود الفعل هي وهنختار على أساسها الخطوة الجاية.

تفاصيل فيلم مستر إكس

جدير بالذكر، أن مستر إكس من بطولة أحمد فهمي، هنا الزاهد، محمد أسامة الشهير بـ أوس أوس، بيومي فؤاد، صبري فواز، محمد أنور، عمرو يوسف، مصطفى خاطر، ومن من تأليف أحمد عبد الوهاب وأمجد الشرقاوي، وتحت قيادة المخرج أحمد عبد الوهاب، وتدور أحداث  العمل حول قصة حب بين رئيس إحدى العصابات، وبين محامية تضعها الظروف في طريقه، فيحاول جاهدا إبعادها عن كل المخاطر.