حسام داغر ينعي المخرج إيهاب ابو زيد بكلمات مؤثرة: قلبي هيقف ازاي اصحى وانام الاقيك مشيت

رحل عن عالمنا في الساعات الأولى من صباح اليوم الجمعة، المخرج الكبير إيهاب أبو زيد، الذي وافته المنية إثر تعرضه لأزمة قلبية مفاجأة، الأمر الذي جعل عدد كبير من الوسط الفني والإعلامي في فزع وحزن شديد.

تحيا مصر يرصد في ذلك التقرير رسالة حسام داغر المحجر إيهاب أبو زيد

حسام داغر لإيهاب أبو زيد: قلبي هيقف من الخضة ده لسة في احلام ومشاريع بنفكر فيها

وحرص على نعيه الفنان الكبير حسام داغر، حيث نشر صورته على حسابه الرسمي بموقع تبادل الصور والفيديوهات انستجرام، وعلق عليها: انا قلبي هيقف من الخضة .. معقول بيساطه كده انام و اصحي الاقيك مشيت يا ايهاب .. ده انا تليفوني و تليفون اخويا مبطلش رن منك و انا في المستشفي في العنايه لحد ما انا خرجت و سمعت صوتي و قلتلي انا كده اطمنت عليك .. ده لسه في احلام و مشاريع كتير بتفكر فيها سوا .. ببساطه كده ازمة قلبيه مفاجأة.

حسام داغر: انت اول واحد كنت واثق فيا وموهبتي

وتابع حديثه:  ده انت اكتر واحد كنت متحمس لمشروعي دكتور داغر و كنت هتشرف فيه علي الاخراج مع علي و انت المخرج الكبير المدير القائد مفكرتش لحظة متقفش جمبنا .. فاكر انت اول واحد كنت واثق فيا و موهبتي و ادتني بطوله في راديو ستار سنه ٢٠٠٥ و اقنعت بيا علي رجب بعدك لما كمل المسلسل.

واستكمل: لاحول ولا قوة الا بالله ايهاب الاخ الكبير الغالي المحترم في ذمة الله ربنا يصبرك يا ادم يا حبيبي انا لقيت ميسد منك الفجر و انا نايم اكيد كنت عاوز تبلغني الي حصل لبابا ربنا يرحمك يا حبييي .. قلبي هيخرج من مكانه من ضرباته و من خضتي عليك .. يا رب تكون في مكان احسن يا ابن الاصول ياما حكتلي عن باباك الاستاذ احمد ابو زيد مدير الاذاعة المصريه زمان و تعلقك الشديد بيه .. هو في انتظارك ياخذك في حضنه بعيد عن دوشة الدنيا و قلقها .. الله يرحمك يا حبيبي الله يرحمك يا ايهاب.

اخر أعمال حسام داغر

من ناحية اخرى، كانت أخر أعمال حسام داغر مشاركته في السباق الرمضاني 2023، من خلال مسلسل إكس لانس، والذي هو من بطولة ويزو إلى جانب الفنان محمد سعد وعدد من نجوم الفن الأخرين حيث تجسد ويزو دور ابنة محمد سعد خلال مسلسل إكس لانس، حيث تقوم بدور سمر بينما محمد سعد يقوم بدور الحناوي، ومن المقرر أن تكون تلك الشخصية هي استكمالا لـ الدور الذي جسده محمد سعد في فيلم كركر.