بعد عرضه بالسينمات.. الجمهور يشيد بفيلم مستر أكس

حقق فيلم "مستر إكس" بطولة النجمين أحمد فهمي وهنا الزاهد، على إيرادات عالية عقب عرضه بالسينمات يوم الثلاثاء الماضي والذى ينافس في موسم عيد الأضحى، ووصل إجمالي ما حققه الفيلم في 3 أيام إذ تم طرحه وقفة العيد 27 يونيو ما يزيد عن 4 ملايين جنيه.

تحيا مصر يرصد إشادات الجمهور بفيلم مستر أكس.

وحصد الفيلم على إشادات الجمهور بعد عرضه بالسينمات معربين عن سعادتهم البالغة بأهمية العمل ومدى الكوميديا التي يقدمها حيث كتب البعض عبر حساباتهم بموقع التواصل الاجتماعي فيس بوك:"فيلم الموسم بالنسبالي مستر إكس فيلم كوميدي تقيل متعوب فية ويستاهل النجاح مستحيل تطلع منه مش مبسوط". 

تعليقات الجمهور على فيلم مستر اكس 

فيما كتبت فتاة: "لسه طالعه من السينما من فيلم مستر اكس بجد حلو أوي ولذيذ والكوميديا اللي فيه خفيفة وحلو الاعلان بتاعه لو أي حد عاوز فيلم يشوفه في السينما ادخلوه بجد هتتبسطوا أوي"، وكتب آخر:" قصة الفيلم مكتوبة بشكل جيد وأماني التونسي كعادتها عامله فيلم حلو والكوميديا اللي فيه تضحكك لمدة سنة".

أبطال فيلم مستر اكس 

يشارك في بطولة فيلم "مستر إكس" أحمد فهمى، هنا الزاهد، أوس أوس، بيومى فؤاد، محمد أنور، محمود حافظ، رحاب الجمل، أمير شاهين، العمل قصة أمانى التونسي، وفكرة محمد سويلم وفادى أبو السعود، إخراج أحمد عبد الوهاب، وتدور أحداثه حول حول أحمد فهمى الذي يمتلك شركة يساعد من خلالها الرجال لكي يطلقوا زوجاتهم، والمحافظة على حقوقهم.

وقال أحمد فهمي خلال لقائه بـ موقع تحيا مصر على هامش العرض الخاص لـ فيلم “مستر إكس”: اتشرفت بالشغل مع اللي مشاركين في مستر إكس وإن شاءالله متكونش التجربة الأخيرة لـ هنا، إن شاءالله يكون الفيلم عند حسن حظ الجمهور ويعجبهم المجهود المبذول في الفيلم وهو ممكن بقاله سنة ونص بيتحضر ومهتمين بأدق التفاصيل ومن وجهة نظرنا قدرنا نعمل حاجة مبذول فيها مجهود وتتقدر.

تصريحات أحمد فهمي 

وعن استعانته بـ ضيوف الشرف، فقال: مش بجيب ضيوف شرف غير لو الموضوع محتاج عشان أوظفهم بشكل كويس وبشكرهم كلهم وكلهم جاملوني أنا والحج أحمد ووقفوا جنبنا وموجودني اول ناس في العرض الخاص.

وتطرق بحديثه عن كواليس تصوير مستر إكس، فقال: الفيلم كواليس تصويره كانت صعبة جدا ولكن أنا وأنور وأوس أوس صحابي اللي بخرج وبقعد معاهم كل يوم فكان حاجة لطيفة إني اروح معاهم لوكيشن التصوير، حتى لو المشاهد صعبة واليوم صعب، وأحمد السبكي بعتبره أبويا الروحي، واشتغلت مع أحمد عبد الوهاب في ريح المدام وكان في بعض الحلقات أحمد بيشتغل فيها وكان أول تعاون بيني وبينه، وهو راجل عنده طموح وانه يقدم فيلم كوميدي بشكل مختلف وهو نجح في ده.