ياسر فرج: ندمت على مشاركتي في فيلم عايشين اللحظة ومفيش اختلاف ان محمد رمضان نمبر وان

حل الفنان ياسر فرج ضيف على برنامج المنسي، الذي تقدمه الإعلامية إنجي هشام عبر شاشة قناة هي، والذي تحدث خلاله عن أعمال فنية ندم على المشاركة بها وعن رأيه في عدد من النجوم.

تحيا مصر يرصد في ذلك التقرير تصريحات ياسر فرج في برنامج المنسي

ياسر فرج: ندمت على عايشين اللحظة لأنه متنفذش زي ما كنت فاهم

وكشف الفنان ياسر فرج عن ندمه بسبب مشاركته في فيلم "عايشين اللحظة " قائلا :' لأنه متنفذش زي ما كنت فاهم، ساعات العمل بيكون كويس لكن لما لنخذ في مرحلة التنفيذ الأمور بتتفير وده اللي حصل في الفيلم

واختار الفنان ياسر فرج النجم أحمد زاهر كأفضل فنان قدم دور الشر مؤخرا  من بين الفنان ماجد المصري وطارق لطفي خلال حواره مع الإعلامية انجي هشام في برنامج المنسي عبر قناة هي قائلا :' كل واحد منهم ليه دور شر فظيع ولكن اكتر واحد نجح مؤخرا كان أحمد زاهر في البرنس مع محمد رمضان وهو دفعتي من ايام المعهد وطبعا طارق لطفي عشرة كبيرة بس يمكن في الفترة الأخيرة في أدوار الشر أقول أحمد زاهر.

ياسر فرج:محمد رمضان نمبر وان في الدراما دلوقتي.. وهجوم الناس عليه سببه أفلامه القديمة

وكشف الفنان ياسر فرج عن نمبر وان الدراما بالنسبة له في الفترة الحالية قائلا :'محمد رمضان طبعا بسم الله ما شاء الله مسلسله مكسر الدنيا "جعفر العمدة" محدش يقدر يختلف عليه وده مع احترامي لكل الاسماء اللي قولتيها.

كما تحدث فرج عن سبب الهجوم على الفنان محمد رمضان، فقال:  محمد رمضان شوية على السوشيال ميديا الناس شايفاه أنه بيستفزهم بالعربيات أو بالاخبار فشوية ده بيستفز بعض الناس علشان كده بيتحولوا وبيكونوا ضده.

ياسر فرج: في ناس بتنتقد محمد رمضان بسبب افلامه زمان

وتابع حديثه: في ناس تانية بتنتقد محمد رمضان على الأعمال اللي قدمها قبل كده زمان زي عبده موتة، الألماني والافلام اللي قبل كده شافوا أن ده وجه جزء كبير من الشباب الصغير لأعمال العنف والشغب.