منهم بسمة وهبة وأنوشكا.. أبرز حضور عزاء إيهاب أبو زيد| صور

عزاء إيهاب أبو زيد.. حرص عدد كبير من نجوم ونجمات الوسط الفني والإعلامي على تقديم واجب العزاء في وفاة المخرج إيهاب أبو زيد، والذي رحل عن عالمنا يوم الجمعة الماضي، أثر تعرضه لأزمة قلبية مفاجئة.

تحيا مصر يرصد تفاصيل عزاء إيهاب أبو زيد

ومن أبرز حضور عزاء إيهاب أبو زيد اليوم في مسجد المشير طنطاوي، الإعلامية بسمة وهبة، حسام داغر، محمد جمعة، عمرو الليثي، تامر بشير، أنوشكا، ياسر الطوبجي، إبراهيم فايق، محمد الباز، وغيرهم.

حسام داغر ينعي إيهاب أبو زيد

وسبق وأن حرص الفنان حسام داغر، على نعي المخرج إيهاب أبو زيد حيث نشر صورته على حسابه الرسمي بموقع تبادل الصور والفيديوهات انستجرام، وعلق عليها: انا قلبي هيقف من الخضة .. معقول بيساطه كده انام و اصحي الاقيك مشيت يا ايهاب .. ده انا تليفوني و تليفون اخويا مبطلش رن منك و انا في المستشفي في العنايه لحد ما انا خرجت و سمعت صوتي و قلتلي انا كده اطمنت عليك .. ده لسه في احلام و مشاريع كتير بتفكر فيها سوا .. ببساطه كده ازمة قلبيه مفاجأة.

وتابع حديثه:  ده انت اكتر واحد كنت متحمس لمشروعي دكتور داغر و كنت هتشرف فيه علي الاخراج مع علي و انت المخرج الكبير المدير القائد مفكرتش لحظة متقفش جمبنا .. فاكر انت اول واحد كنت واثق فيا و موهبتي و ادتني بطوله في راديو ستار سنه ٢٠٠٥ و اقنعت بيا علي رجب بعدك لما كمل المسلسل.

معاناة بسمة وهبة مع الحسد

وعلى صعيد آخر، تحدثت الإعلامية بسمة وهبة عن معاناتها مع الحسد بسبب السوشيال ميديا، وذلك خلال مقطع فيديو عبر خاصية ستورى على حسابها الشخصي بموقع تبادل الصور والفيديوهات القصيرة انستجرام.

وقالت وهبة: أنا بطلب يا جماعة من كل الناس اللي بتتفرج على صوري متفتكروش الصور اللى برا دي الحياة اللي جوه.. أبدًا والله العظيم كل واحد ربنا في حياته حتة ناقصة بس أنا الحتة بتاعتي غير بتاعتك فكلنا بنعاني.

وتابعت: بقيت أخاف أنزل صوري، لو أخذت صورة أو فيديو ونزلت حاجة تفتكروا إنى في رحلة ترفيه، مش كل صورة أو فيديو تشوفوها يبقى هي دي الحياة لأ كلنا بنعاني زي بعض، أوعوا تصدقوا الصور اللى بتشوفها دي الحياة الخلفية.