محمد علي رزق عن مسلسل ليه لأ: بيناقشوا قضايا مهمة وفي كل مرة بيقدروا يلمسوا الناس

أشاد الفنان محمد علي رزق بـ مسلسل ليه لأ الموسم الثالث، الذي يعرض على منصة شاهد الالكترونية خلال الفترة الحالية ويحقق نجاحات ساحقة في فترة عرضه، ومهتم بمناقشة القضايا.

تحيا مصر يرصد في ذلك التقرير اشادة محمد علي رزق بـ مسلسل ليه لأ

محمد علي رزق يشيد بـ مسلسل ليه لأ

بتفرج على مسلسل ليه لأ الجزء التالت…و منكرش حبي الشديد لمسلسل ليه لأ من الجزء الأول علشان بيناقشوا قضايا مهمة و بشكل مختلف و فكل مره قدروا يلمسوا الناس و في الجزء الأخير بيناقشوا  قضية مهمة جداً  ومنتشرة بنسبة كبيرة أوي في مجتمعنا الشرقي، بس شوفت مشهد عزومه في حلقة ٨ و فجأه في أخر المشهد إتنين ممثلات  لطاف جداً بيتناقشوا عن الكليات.

وتابع: طبعاً أكاديمية الفنون البيت الكبير و الصرح إللي طول عمره مليان أساتذة كبار و طلع أجيال كتير مهمة، تصحيح للأساتذة إللي كتبوا المسلسل لا يا فندم قسم أداب مسرح بيعلم تمثيل بجد…و فيه نجوم خريجين قسم أداب مسرح  زي فتحي عبد الوهاب و سامح حسين و أحمد فتحي و ياسر الطوبجي و غيرهم كتير أوووي و فيه دكاترة محترمة بتعلم التمثيل إللي بجد.

وتابع حديثه: و أنا بتشرف أني خريج كلية الأداب قسم علوم المسرح، كنت أتمنى مناقشة المشاكل إللي بتقابلها أقسام المسرح في أغلب الجامعات زي النظر لينا نظره  إيه الهبل ده و إن كل أقسام كلية الأداب شايفين إننا عيال هايفه علشان بندرس فن و يقعدوا يتريقوا لعدم فهمهم قيمة القن إللي كنا بندرسه.

محمد علي رزق في كشف مستعجل

وكان محمد علي رزق قد تألق في مسلسل كشف مستعجل، والذي عرض ضمن مسلسلات رمضان 2023، والذي يخوض بطولته إلى جانب النجوم  محمد عبد الرحمن النجوم مصطفى خاطر، هنادي مهنا، إلهام وجدي، ميمي جمال، أشرف عبد الغفور، ليلى عز العرب، محمد لطفي ومحمد علي رزق، وهو من تأليف إيهاب بليبل وإخراج شادي الرملي وإنتاج كريم أبو ذكرى، وتعرض قصته في 15 حلقة فقط.