أغسطس المقبل.. طرح فيلم البطة الصفرا في دور العرض السينمائية

كشفت الشركة المنتجة لفيلم البطة الصفرا بطولة النجمة غادة عادل والفنان حسن أبو الروس، عن موعد طرحه في دور العرض السينمائية و المقرر في شهر أغسطس المقبل.

تحيا مصر يرصد موعد طرح فيلم البطة الصفرا في دور العرض السينمائية.

شخصية غادة عادل في فيلم البطة الصفرا 

تجسد الفنانة غادة عادل دور رئيس عصابة في فيلمها الجديد "البطة الصفراء"، ويطلق نفس الاسم على العصابة، ويتورط الفنان محمد عبد الرحمن بالسرقة والتعاون مع العصابة ويقع في العديد من "المطبات" بطريقة كوميديا، وفيلم "البطة الصفرا" من بطولة غادة عادل، ومحمد عبد الرحمن، ومحمود حافظ، وفرح الزاهد، وإبرام سمير، وحسن أبو الروس، وأحمد طلعت، ويشارك صلاح عبدالله وسامي مغاوري وعمرو رمزي كضيوف شرف، قصة وسيناريو وحوار محمود عزت، ومن إنتاج رامي السكري، وإخراج عصام نصار.

غادة عادل في برنامج أنا والقناع

على الصعيد الآخر، قالت غادة عادل خلال برنامج أنا والقناع: امدح في مجدي الهواري كمان وكمان، وهو معملش حاجة وحشة ورجولة حقيقية وجدعنة.

وتابعت: وكل سنة بتمر عليا بتأكد انه كان لازم يكون ابو ولادي وبلاقي منه كل الخير ولو اتجوز هفرحله وعلاقتنا مودة ورحمة وصداقة.

وعن إمكانية زواجها مرة أخرى، قالت: مقدرش اقول لا خالص اني مش هتجوز وعندي اعتبارات كتيرة عشان الولاد ميستوعبوش انه هيتجوز ومظنش اني هعملها قبل مجدي والقرار مش سهل عليا، واحب اشوفه هو متجوز الاول.

تصريحات غادة عادل 

وسبق وفجرت عدة تصريحات كالآتي:

-في ناس بتفتكر الطيبة هبل وعبط، ومقدرش اقول على نفسي طيبة، بس مبقدرش أاذي حد.

-لما ببقى زعلانة أو غضبانة أو خايفة ببقى مبتسم، ومش شاطرة في لبس الأقنعة واما بضحك بيجي حد بيقولي عينك مش فرحانة.

- انا شخصية خجولة وباخد شعري ده قناع عشان مشوفش الناس أوي

- انا قلبي رهيف وحساسة جدًا

- في ناس بجحة وفي ناس صريحة بزيادة وفي ناس منافقة وبتبدل الاقنعة كتير

- عايزة اعيش في سلام وادي غادة اللي هي تستاهله وكل المواقف الوحشة ادتني قوة في البعد عن الناس اللي مش كويسة