لو ركزت معاك هحبسك ولازم تعرف انت بتكلم مين.. رامي صبري يفتح النار على عمرو مصطفى ويهدده

حل الفنان رامي صبري ضيفًا على برنامج أجمد 7 الساعة 7 والذي تقدمه الإعلامية "جيهان عبد الله" عبر قناة "نجوم إف إم" وتحدث رامي صبري خلال الحلقة عن كواليس أغنية يمكن خير، كما رد على اتهامات عمرو مصطفى له بسرقة لحن أغنيته رقصة.

تحيا مصر يرصد لكم تصريحات رامي صبري

ونستعرض لكم في التقرير التالي أبرز تصريحات رامي صبري في برنامج أجمد 7 الساعة 7

• أنا عامل أغنية يمكن خير في سنة 2013 بعد الثورة، وهي لحد من أسبوعين كانت رقم 1 قعدت 4 شهور رقم واحد .
• مش رامي صبري اللي يسرق لحن ولو هو يعرفني كويس مش هيتهمني الاتهام ده وممكن يكون فيه توارد أفكار وفيه 10 ألحان ممكن يكون فيهم جملة شبه التانية.
• ملحن كبير زي عمرو مصطفى مينفعش يطلع يقول على فنان وملحن مش صغير ومطرب مش صغير أنه سارق أنا مكانتي مش صغيرة في الوسط. 
• عمرو خريج كلية حقوق، وأنا خريج معهد موسيقى عربية قسم تأليف موسيقى يعني لما تيجي تتكلم عن متخصص وانت خريج حقوق يعني لازم تعرف انت بتتكلم عن مين.
• أنا لو مركز معاه هاحبسه بالقانون ولكن أنا بكبر دماغي
•  أنا مش بتاع خناقات ولا دي طريقتي ولا هرد عليه بطريقته وهقوله ربنا يهديك وركز في شغلك اكتر واعملنا شغل حلو.
• عمرو مصطفى لما يغير من نجاح حد بيطلع يخبط في الناس، ومفيش حد فينا عاجبه، كلنا واقعين وبنسرق أغانيه.
• أنا موسيقار زي عمر خيرت وياسر عبد الرحمن، والأستاذ لما يكلم الطالب مش هنتساوى، ولو أنا عندي مشاكل نفسية مش هخليه يشتغل بالقانون.

عمرو مصطفى يتهم رامي صبري بالسرقة

وكان قد اتهم الفنان عمرو مصطفى الفنان رامي صبري بسرقة لحن أغنيته رقصة، وذلك خلال استضافته في برنامج حبر سري وقال: أنا سبت أغنية يمكن خير لرامي صبري بمزاجي ولو عايز أشيله الأغنية من اليوتيوب هشيلها وهي  نجحت عشان هي بتاعتي.

عمرو مصطفى يهاجم رامي صبري: أنت سرقت لحن أغنيتي وأثبت أن هي بتاعتك من 2009

وأضاف: هو كلمني وقالي معلش عشان خاطري شكلي مش حلو وقالي أي كلام في أي حاجة وأنا عديتها بمزاجي وهي أغنيتي وأنا سبتهاله بمزاجي ولو هو كان زود كنت هوقفه وبتاعتي نازله على اليوتيوب من سنين.

ووجه حديثه لرامي صبري قائلًا: انت سرقت لحن أغنيتي رقصة وعملت بيها أغنية يمكن خير وعايزك تثبت أن أنت عاملها من 2009 زي ما قولت.