"انت قليت في نظر تلميذك وعملت تاريخ وعلامات من غيرك".. أول رد من تامر عاشور على تصريحات عمرو مصطفى

رد الفنان تامر عاشور على تصريحات عمرو مصطفى الأخيرة واتهامه بسرقة العديد من ألحانه، وكشف حقيقة الخلاف الذي حدث بينهما.

تحيا مصر يرصد لكم رد تامر عاشور على عمرو مصطفى

وكتب تامر عاشور عبر حسابه بموقع التواصل الاجتماعي فيسبوك: "رداً على عمرو مصطفى أغنية “الرك على النيه “ ألحان عمرو مصطفى وف اي حفله ومكان بقول كده والملحن اللي باعهالي ”المُقتَبِس الحقيقي ” عمرو مصطفى مجبش سيرته نهائي مش عارف ازاي مع إنه عارفه من ٨ سنين لما قفلنا الموضوع ده "انا وهو " في مكالمتنا مباشرة.

وتابع: وبعدين أنا مالي ده صِراع مُبدعين ويقدر ياخد حقه قانوني ويوقفها  محدش منعه  أنا أداه على كلامه ده غير إن الاستعانه  بعمرو مش صعبه واشتغلنا مع بعض اغنيه "انطق".

وأضاف: كل الحكايه انه معرفش يجاوب على السؤال "الصناعه انهارت ازاي وانت عمود من عمدان الصناعه ؟ السؤال اللي مش هتلاقي له إجابه مهما توّهت الناس اللي كلهم قالولك أنك مجاوبتش بمنتهى الوعي .. وأنا الحقيقه  كنت مُنتظر إجابتك علشان اقولك الصناعه فيها كام عمود غيرك وكام مُطرب عمل تاريخ وعلامات  من غيرك ومنهم انا وكام مُلحن وشاعر وموزع اشترك في نجاح مطربين واعلانات وتترات وكل حاجه حصلت عادي بدونك-.

تامر عاشور لعمرو مصطفى: أنت قليت في نظر تلميذك

واستكمل: أني احترمتك أو على حد قولك ان تامر وهو بيكلمني  "كان واقف كدهو "  طبعا احترمك واقدّرك انت استاذ كبير بس قلّيت في نَظر تلميذك لما اتكلمت في التلفزيون عن ان فيه حد عموما احترمك وكأنه حدث جلل لأستاذ كبير زيك.

تامر عاشور لعمرو مصطفى: عملت تاريخ وعلامات من غيرك

واسطرد:  في النهايه انت مُلحن كبير مقاما وفنّا وإضافه لأي مُطرب غيري هي الظروف حكمت كده ولا تاريخي فيه عمرو والعكس صحيح  ومش هفوت الفُرصه دي إلا وأشكر كل الفنانين الكِبار المصريين المبدعين شعراء ملحنين موزعين اللي اتشرفت بالعمل معاهم على مدار ٢٠ سنة وحطوني في مكانه انا مكنتش احلم بيها وسط الجمهور العربي كله اللي بنحاول نقدمه ابداع حقيقي مهما ذادت بنّا المناواشات الوارده التي لا تتخطى حاجز الأدب والصداقه والمحبه والود ولمصلحه نجاحنا واستمراريته بفضل الله ثُم فضلكم.

ووجه الشكر لفرقته الموسيقية وقال: اشكر أعظم فرقة موسيقية بشتغل معاها جوه وبره مصر اللي بيخلوني قادر على "التصدير  الدائم والمختلف " للفن المصري الرائع بحضوري كفرد من تلاميذ لأساتذه كبار حقيقيين، و اشكر "مَصر" حبيبتي فعلا بدون إدّعاء ولا مُذايده ولا حتى اغاني - جمهورها اللي على كل الاذواق  اللي بيسمعوا كل حاجه وكل لون وكل خَبط ورزع وفي الآخر ياخدوا الحلو  ويعيش معاهم ويصدروه - ويرموا الوحش وباب النجاح لأي فنان عربي.

وتابع: اشكر بلدي السعودية وجمهورها اللي ضاف لتاريخي واسمي وتشكيل كيان محترم لحفلات عالميه حرفيا  ومش من مره واحده بدأت هناك خطوات ومجهود وتعب ومُسانده وهكذا .. إلى أن تمت النجاحات الكبيره الحمد لله ومنها الى كل الدول العربيه اللي اعشق جماهيرهم وحبهم للفن المصري.

تامر عاشور: جاي في الأخر تقول علينا إني مثل حي لإستباحه جمل لحنيه لناس عايشه بالباطل

واختتم تامر عاشور: عموما الموضوع كبير قوي يا استاذ عمرو تيجي حضرتك يا استاذ في الآخر تقول عليا اني مثل حي لإستباحه جُمل لحنيه لناس عايشه بالباطل وعايز بعيونك الحلوه دي تشوف خير في الصناعه ؟