20 ألف جنية.. تكلفة قميص محمد حماقي في حفله بالسعودية

تألق الفنان المصري محمد حماقي خلال حفله بالمملكة العربية السعودية بإطلالة بلغ سعرها 20 ألف جنية، خطفت أنظار متابعيه. 

تحيا مصر يرصد تكلفة إطلالة محمد حماقي في حفله بالمملكة العربية السعودية.

تصريحات محمد حماقي التليفزيونية

على الصعيد الآخر، كان فجر محمد حماقي عدة تصريحات حول تفاصيل وفاة والده قائلًا: كان في يوم عندي حفلة و بطني مضايقاني وانا وبغني وخلصت غنا وخرج هو وامي من القاعة وبعدين وقف هزر معاه وطلع ملبس وقالي خد حلي بوقك ومشي، كان بالليل، وبعد ما مشي كلمني في التليفون واطمن عليا.

محمد حماقي مع إسعاد يونس في برنامج صاحبة السعادة

وتابع محمد حماقي: و ٩ الصبح جالي تليفون انه اتوفى، ودي كانت مرحلة وحشة وكان عندي لحن قبل ما ابويا يتوفى من تامر علي وكاتب كلمتين اللي هما اول اتنين كوبليه.

وأضاف حماقي: وقعدت فترة طويلة مبنزلش من البيت وأمير طعيمة فضل يكلمني عشان يخرجني وجه في يوم تحت البيت ونزلت ركبت معاه العربية وقعد يقولي الكلام اللي الصحاب بيسندوا بعض فيه.

اللقاء الأخير بين محمد حماقي ووالده يوثقه في عمل غنائي

واستكمل: وقولتله عندي اغنية عايزة تكتبها، وكتب اللقاء الاخير اللي بيني وبين ابويا في الاغنية وانا استغربت هو وصل كده ازاي.

تفاصيل أعمال محمد حماقي الغنائية

وأردف: وفي صديق كلمني قالي ما بلاش دي ايه وقالي مش حاسس انها اغنية وفيها حاجة غريبة وحكيتله ظروفها راح قالي دي مش اغنية.

واختتم الفنان محمد حماقي حديثه قائلًا: وخلاص ولما جيت اصور الاغنية حبيت انقل الاغنية واعملها بالمقلوب وده الشعور اللي بيجي لكل الناس اللي فقدت والدها او والدتها، وحالة الأغنية دي كانت حقيقية مش مصنوعة.