رامي جمال: الهضبة نمبر وان وتامر حسني فنان شاطر بس ميتقالش عليه رقم واحد إلا بعد 40 سنة

كشف الفنان رامي جمال عن رأيه في عدد من نجوم الفن وذلك خلال حلوله ضيفا على برنامج “حبر سري” والمذاع على شاشة قناة القاهرة والناس، مشرا إلى أن الهضبة يستحق لقب نمبر وان بلا منازع.

تحيا مصر يرصد في ذلك التقرير تصريحات رامي جمال عن نجوم الفن

رامي جمال: محمد منير كلام أغانيه فلسفي ومزيكته مختلفة

وقال رامي جمال خلال لقائه مع أسما ابراهيم: عمرو دياب نمبر وان بمقاييس السوق، وتامر حسني فنان شاطر بس مش رقم واحد، ولسه بدري على هذا اللقب، وممكن نقول عليه نمبر وان بعد 40 سنة مع استمرار النجاح، أما محمد منير بيقدم اللي عايزه، وكلام أغانيه فلسفي ومزيكته مختلفة وبيعمل اللي هو عايزه وعمرو دياب محقق نجاح وغيرة فنية كبيرة.

وواصل رامي جمال: بشكل عام الطموح العربي قليل، وأغلب البشر طموحهم مرتبط بالفلوس، وده الدليل إن عمرو دياب طموحه مش فلوس، لكن طموحه يكون شخصية فنية لا تكرر.

رامي جمال وتحريم الفن

وعن تحريم الفن، قال رامي جمال: أنا مش شيخ، وشايف كل الشغلانات فيها حلا وحرام وفيه شبهات ممكن حد يتجنبها، ومش عايز أحددها لو لينا زملاء بيعملوها، ربنا يهدي الجميع.

وتابع حديثه: أنا مستحيل أغني في مكان فيه شرب وخمور ومش بشتغل في مكان فيه رقاصة ومستحيل تطلع في فقرتي ولو اتعملت مفاجأة همشي، أنا شايف إني لازم أخد الاهتمام كامل.

رامي جمال: مستحيل ألحن لمغني مهرجان لأنه مش ذوقي

وأكد رامي جمال أنه لن يتعاون مع مطربي المهرجانات، فقال: مستحيل ألحن لمغني مهرجانات، مش ذوقي مقدرش وأنا هتحاسب على اللي بعمله، ومش عايز في يوم من الأيام أقول أنا أسف إني عملت ده.

ويذكر، أنه طرح رامي جمال مؤخرا أغنية بعنوان gps، وذلك عبر حسابه الرسمي بموقع الفيديوهات الشهير يوتيوب، والذي روج لها، قائلا: دور بينا في الشوارع نزل حبه الازاز ده قمرنا لسه طالع وعيونك دول لذاذ.. رامي جمال وجي بي إس.. ألحان احمد العدل توزيع وميكس وماستر الهامي دهيمه واحمد حسام كلمات محمود طلعت تصميم الفيديو احمد بدر، فرفشة شويه لحد عيد ميلادي فاضل ١٠ ايام حاليا على قناتي على يوتيوب.