فاروق فلوكس: بقالي 5 سنين مش بيتعرض عليا أعمال وده دليل إني مش ممثل كويس

خرج الفنان فاروق فلوكس ليفجر تصريح جريء بشأن غيابه عن الساحة الفنية في الفترة الأخيرة، مشيرا إلى أنه بسبب قلة العروض الفنية عليه وهذا يدل على أنه لم يكن ممثل قوي.

تحيا مصر يرصد في ذلك التقرير تصريحات فاروق فلوكس الاخيرة 

وقال فاروق فلوكس خلال لقائه ببرنامج القاهرة اليوم: بقالي 5 سنين مش بيتعرض عليّا أي أعمال فنية، وده دليل إني ممثل مش كويس، لأني لو ممثل كويس هيتعرض عليّا أعمال.

فاروق فلوكس يكشف سبب خلافه مع فؤاد المهندس

وتحدث عن علاقته بـ فؤاد المهندس، فقال:  فؤاد المهندس ده حالة خاصة بالنسبة لي لغاية ما توفاه الله كنت بحبه رغم المواقف الكتير اللي عملها معايا مش حلوة، مواقف كتير بس أنا هقولك واحد منها، كنت بشتغل في فرقة الريحاني بعمل رواية وبمثل بقالي سنتين الرواية والدنيا حلوة قوي.. جه قالي أنا هعمل رواية أنا وإنت وعوض وشويكار، وقالي خلص روايتك آخر أغسطس و1 سبتمبر هتكون معايا.

واستكمل: قولتله ازاي أسيب المسرحية دي؟ قالي هو كده أنا أستاذك وبقولك، وسيبت مسرح الريحاني وروحت عنده بناء على اتفاق إن أجري هيكون رقم معين، بعدها المؤلف تقاعس ومعملش الرواية أنا ماليش ذنب، إنت شيلتني من الفرقة وحاطتني عندك يبقى تديني مرتبي، إداني شهر واحد بس والشهر التاني صلاح يسري كان قاعد بقوله فين أجري؟ إداني ضهره، قولت لأستاذ فؤاد قالي ماليش دعوة، وطبعا أي حد مكاني كان هيزعل زعل الدنيا.

أخر أعمال فاروق فلوكس

ومن الجدير بالذكر أن أخر أعمال الفنان فاروق فلوكس مسلسل "الأب الروحي" الذ تم عرضه على شاشات التلفزيون يوم 15 من شهر يناير سنة 2017، وكانت تدور أحداثه في إطار درامي تشويقي حول عائلة كبيرة يسيطر عليها الأب وتتابع أحداث المسلسل حول علاقة الأب بأفراد العائلة، وكذلك علاقته بالعصابات.

وشارك في بطولة المسلسل عدد كبير من النجوم والنجمات، كان أبرزهم: محمود حميدة، سوسن بدر، أحمد فلوكس، أحمد عبد العزيز، ميرهان حسين، عايدة رياض، محمد عادل، حسني شتا، محمد عز، كارولين عزمي، باهر النويهي، عمر الشناوي، وغيرهم، والمسلسل من تأليف هاني سرحان، ومحمد جلال، ومن إخراج بيتر ميمي.