ست دعتلي واتوفيت.. محمود الليثي يعلق على نجاح أغنية سطلانة

علق الفنان محمود الليثي على نجاح أغنية سطلانة خلال حواره مع الإعلامية إسعاد يونس، في برنامج صاحبة السعادة، المذاع عبر شاشة قناة DMC.

تحيا مصر يرصد تصريحات محمود الليثي. 

تصريحات محمود الليثي

وقال إن سيدة دعت له بالنجاح والتوفيق ثم توفيت، وبعد وفاتها انتشرت الأغنية وحققت نجاحًا كبيرًا، معقبًا: ربنا بيسبب الأسباب، حصلي موقف قبل مباراة الأهلي بكام يوم، واحدة عندها طفلين وغلبانة وملقتش حد يوديها المستشفى، وخدتها أنا ومدير أعمالي للمستشفى يوم الأربع.

وتابع: الست دي خرجت الخميس دعتلي أنا ومدير أعمالي وقالتلي الدعوة دي من نصيبكوا لأنكوا بتراعونا، بعدها بـ 10 دقائق ماتت، ويوم الجمعة كان الماتش بس كنا زعلانين عليها جدا، صحينا يوم السبت لاقيت أغنية سطلانة منتشرة جدا، الست دي دعتلنا وتوفيت بس دعوتها كانت مستجابة.

وأضاف: كنت في شرم الشيخ من فترة لإحياء حفلة هناك، وفي ناس كتيرة أجانب من روسيا وأوكرانيا وفرنسا بيطلبوا يتصوروا معايا، قولتلهم يا جماعة أنتو تعرفوني، لاقتهم بيقولوا أوووه سطلانة، متوقعتش إن الأغنية توصل للناس دي.

آخر أعمال محمود الليثي 

على الصعيد الآخر، طرح المطرب الشعبي محمود الليثي أحدث أغانيه التي تحمل اسم الغل مني هاريكو، عبر قناته الرسمية بموقع الفيديوهات الشهير يوتيوب.

محمود الليثي يتألق بكليب طالع فيها

محمود الليثي للصوتيات والمرئيات طرحت كليب محمود الليثي طالع فيها عبر قناتها الرسمية بموقع الفيديوهات الشهير يوتيوب، وذلك في ديسمبر الماضي، وحققت الأغنية نجاحًا كبيرًا، والأغنية من كلمات أيمن بهجت قمر و الحان وليد سعد  ومن توزيع  طارق عبد الجابر.

كلمات الأغنية

طالع فيها
طالع فيها طالع نجمه
سيبه مسيره يعرف حجمه

مفيش امل وانتهي موضوعه سيبه ياخد الحبه بتوعه
هتعلي سعره اما تلومه يغلي قوي لما تعاتبه
طالع فيها طالع نجمه
سيبه مسيره يعرف حجمه
ياما عدوا علينا وخدوا فتره ما هي مش بالصوت ولابالكثره
بصراحة بقه العالم الشاطره دا ما يشتغلهاش النوع دا انا ياما شفته وفاهمه
سامعين روحهم ليه يتفاهموا خليه مع نفسه كدا فى وهمه بس ما ينساش
مفيش امل وانتهي موضوعه سيبه ياخد الحبه بتوعه

هتعلي سعره اما تلومه وهيغلي قوي لما تعاتبه
طالع فيها طالع نجمه
سيبه مسيره يعرف حجمه