محمود الليثي بعد نجاح أغنية سطلانة: هنغني لطاهر محمد طاهر ببلاش علشان وشه حلو علينا

حل صناع أغنية سطلانة ضيوف على برنامج صاحبة السعادة الذي تقدمه الإعلامية إسعاد يونس.

تحيا مصر يرصد تصريحات صناع أغنية سطلانة.

تصريحات صناع أغنية سطلانة

وقال محمود الليثي: إحنا الأربعة هنغني لطاهر محمد طاهر ببلاش علشان وشه حلو علينا، والأهلي كسب الوداد، النادي الأهلي الكبير بتاعنا، الماتش خلص، اللاعيبة خرجت من الماتش وراح أوضة اللبس وشغلوا سطلانة بالحظ، إحنا نمنا يوم الماتش، صحينا لقينا الأغنية تريند، وإحنا كسرنا المريخ.

وتابع: نويل البلوجر عمل عليها فيديوهات، وفي فيلم تاج، والمنتخب القطري، ومنتخب اليد، وريال مدريد أطفال وشباب، ومانشستر سيتي، وأنا كان نفسي يبقى ليا أغنية عالمية، بالنسبالي سطلانة خليتنا دوليين، سطلانة الموقف ده إحنا في مستشفى مجانين، دخل علينا أوس أوس وعلي ربيع، وإحنا بنقول للناس جايبينا لينا إحنا مجانين.

وعن النجاح الكبير الذي حققته، قال عبد الباسط حمودة: فرقت معايا في كل حاجه، وأنا عامل شغل كتير ناجح، والأغنية ودتني في حته مكنتش فيه، وبيجي بسببها شغل أكتر، أنا اللي متبني الليثي، سطلانة ديه معناها  إحنا مجانين.

وقال الفنان حمدي بتشان: بعد ما عملت كذا ألبوم، ولكن اللي خد الصدى الكبير الأستوك، وسطلانة بعدها بعد 35 سنة، وحسيت بالنجاح وإني هبتدى من أول وجديد.

أغنية سطلانة

أغنية “سطلانة” غناء عبد الباسط حمودة ومحمود الليثي وحمدي بتشان وحسن الخلعي. من كلمات مصطفى حسن، وألحان كريم عاشور، وتوزيع أماديو، وتقول كلمات الأغنية:

يادكتور شوفلي تصريفة
ابوس ايديك اكتبلي روشته
ده انا جوايا حتة نضيفة
خدها ارميها ف اي حتة
نفسي اقطعها
نفسي اقلعها
زي ما بقلع الجاكتة
ده الناس وحشة وحشة
وجيت ابيع حب ماحدش نفعني قفلت الدكانة

كلمات أغنية سطلانه

كنكة بن تفوقفني مافوقتش
رشة ماية تفتحني مافتحتش
راكب دماغي ودايس
ومزاجي ف الطالع خالص
اسرع من صواريخ وكالة ناسا
ده الواحد ياما آسي
هابعد بعيد لاتعدي م الناس العيانة

ااااووووووه سطلانة

والنبي تديني ياشيف
حبة دلع ف رغيف
علشان اشبع م الفرحة
واوفر المصاريف
عمالة الدنيا تلف تلف ومرقصانا

يا اما حتبقي الغلطانه
ويا احساساتي حفضل حابسك
احسن تجري علي اللي اذانا
خدت العلاجات وماحفتشي
اعصابي تلفانة

هوووووه سطلانة