أوس أوس: مبشوفش تعليقات صحابي على شكلي تنمر لكنه بيبقى هزار

فجر الفنان محمد أسامة الشهير بـ أوس أوس عدة تصريحات خلال حلوله ضيفًا على برنامج تفاعلكم، المذاع عبر قناة العربية، والذي تحدث فيه عن التنمر.

تحيا مصر يرصد تصريحات أوس أوس.

تصريحات أوس أوس

وقال أوس أوس: إنه لا ينزعج من تعليقات وسخرية  أصدقائه على مظهره وشكله، مبشفهوش تنمر ولكن بيبقى هزار وكلنا بنهزر، وأنا بتريق عليهم أكتر بكتير.

وتابع أوس أوس: لما أصدقائي اللي بيشجعوا النادي الأهلي بيتنمروا على الزمالك، بيكون عندهم حق لأن دلوقتي الدنيا بايظة فيه، بس إن شاء الله هنقف على رجلينا والزمالك قادم، وهتنمر جدًا.

أوس أوس في برنامج تفاعلكم

وأضاف: حاولنا يكون في مصدر دخل تاني، وفتحنا كافيه واتسرقنا وقفلناه، ودلوقتي الفن مصدر دخلي الوحيد.

وأشار إلى أن الفنان أشرف عبد الباقي هو صاحب الفضل عليه في الوسط الفني، ومنذ انضمامه لـ مسرحية مسرح مصر وكنا ليس بدافع المال ولكن من أجل إسعاد الجماهير.

من جانبه، كان قال أوس أوس في برنامج الحكاية: بإذن الله هشتغل على خطوة جديد في السينما، ولو عملت مسلسل هيبقى 10 حلقات، والأهم بالنسبالي في حياتي السينما، ومحتاج أشتغل 20 سنة ورا بعض علشان أوصل لبيومي فؤاد.

وتابع: لسه ببتدى ومش في حساباتي البطولة، أحسن حد في جيلنا هو علي ربيع في مسرح مصر، وسبقنا في الخطوة، لكن إحنا محتاجين لسه شوية.

وأضاف: فيلم مستر إكس قعدنا سنة شغالين على الورق وعلى كل مشهد، فـ لما جينا نصور بقينا مش بنعدل حاجة، مجرد شوية إفيهات ممكن تتضاف بس، فـ ده فادنا جدًا عشان الشغل أصلا جاهز على الورق، وبقالنا كتير مش بنعمل أعمال كوميدية كبيرة، ومستر إكس فيلم مصروف عليه فعلا.

جدير بالذكر أن فيلم "مستر إكس" بطولة أحمد فهمى، هنا الزاهد، أوس أوس، بيومى فؤاد، محمد أنور، محمود حافظ، رحاب الجمل، أمير شاهين، العمل قصة أمانى التونسي، وفكرة محمد سويلم وفادى أبو السعود، إخراج أحمد عبد الوهاب وتدور أحداثه حول أحمد فهمى الذي يمتلك شركة يساعد من خلالها الرجال لكي يطلقوا زوجاتهم، والمحافظة على حقوقهم.