كان نفسي أدخل شرطة ومعهد الفنون المسرحية مقبلونيش.. أبرز تصريحات محمد هنيدي

حل الفنان محمد هنيدي ضيف على برنامج ضيفي  مع الإعلامي معتز الدمرداش، المذاع عبر شاشة قناة الشرق، والذي تحدث من خلاله عن تفاصيل خاصة بحياته الشخصية والفنية، ويرصدها تحيا مصر في ذلك التقرير.

تصريحات محمد هنيدي

• الإفيهات اللي بحبها اللي بتزنق فيها، ممكن وإنت بتشتغل تيجي حاجة وتقولها بتبقى عايش في المشهد لكن إنك تقول أنا عايز هنا حاجة، دي اتكررت معايا كتير 
• المتابعين اللي عندي ده معناه كرم رب العالمين والله العظيم، وربنا حبب الناس فيا، وبيساندني وأنت بتتعب طول الوقت علشانهم وعلشان ذوقهم ورأيهم في نفس الوقت دي نوافذ بتكلم من خلالها وأجمل حاجة تتكلم من خلالها مع الناس إنك تشتغل لهم.
• لما كنت عايز أدخل شرطة كانت حلم ولما مجتش متضايقتش وكنت بدور على حاجة تانية.
• دخلت كلية حقوق واترفدت للأسف لإني سقطت لإني كنت مركز في المسرح.
• قدمت في معهد فنون مسرحية مقبلونيش، وأنا مكنتش بقفل الأبواب ورُحت معهد السينما اترفدت علشان مبحضرش مش عارف كان الإصرار جاي منين يمكن ربنا كان عايزني أكمل، وبدأت بمشاهد صغيرة وربنا كرم.
• فيلم مرعي البريمو أيام قليلة ويبقى في السينما، وهو تجربة جميلة وأحلى ما فيها العودة مع المخرج سعيد حامد.

محمد هنيدي وأعماله الفنية 

هذا ويعيش هنيدي حالة من الانتعاشة الفنية، حيث تعاقد "هنيدي" مؤخرًا على بطولة الجزء الثاني من مسلسل "أرض النفاق" والذي عرض الجزء الأول منه بموسم رمضان عام 2018، ونشر "هنيدي" صورة من كواليس التعاقد عبر حساباته المختلفة بمواقع التواصل الاجتماعيوالتي ظهر خلالها مع السيناريست أحمد عبدالله وحفيد الأديب يوسف السباعي استعدادًا لبدء التصوير خلال الفترة المقبلة.

كما يستعد لـ محمد هنيدي لـ عرض فيلم مرعي البريمو في السينمات المصرية وذلك في يوم 2 من شهر أغسطس الجاري، وهو من بطولة محمد هنيدي، غادة عادل، محمد محمود، أحمد بدير، علاء مرسي، مصطفى أبو سريع، نانسي صلاح، والفيلم من تأليف إيهاب بليبل وتحت قيادة المخرج سعيد حامد.