نيكول سعفان عن طارق العريان: شخصيته كاجوال في البيت.. ونفسي يعمل فيلم في هوليود

تحدثت عارضة الأزياء نيكول سعفان، عن شخصية المخرج طارق العريان بعد مرور 4 سنوات على علاقتهما، وذلك خلال لقاء لها ببرنامج ET بالعربي.

تحيا مصر يرصد تفاصيل تصريحات نيكول سعفان

تصريحات نيكول سعفان عن طارق العريان

وقالت نيكول سعفان: طارق في البيت مختلف عن في الشغل، شخصيته كاجوال أكتر، ومش لازم كل حاجة تبقى بيرفكت، وهو أهم حاجة عنده الدنيا تبقى رايقة وهادية، وهو في الشغل دقيق جدا.

وتابعت: ومركز أوي، وبيكون شخصية رسمية أكتر في الشغل، أكتر حاجة نفسي أشوف طارق يعملها يعمل فيلم في أمريكا، فيلم إنجليزي، فيلم يوصل لجميع أنحاء العالم مش بس الوطن العربي، عشان كل الناس يستمتعوا بالأفلام.

ارتباط طارق العريان بعارضة الأزياء نيكول سعفان

وكان المخرج طارق العريان قد أعلن مؤخرا بشكل غير رسمي ارتباطه بعارضة الأزياء نيكول سعفان بعد فترة طويلة من الشائعات التي طالت الثنائى، والتي منها أنها كانت السبب في انفصال العريان عن زوجته الفنانة أصالة.

وجاء إعلان طارق العريان ارتباطه بنيكول رسميا حينما نشر صورة لها عبر حسابه الشخصى على موقع التواصل الاجتماعى فيسبوك، وعلق عليها مستعينًا بكلمات أغنية للفنان عمرو دياب قائلًا: «كل سنة وأنتِ طيبة.. أنت الحظ.

أخر أعمال طارق العريان

ومن الجدير بالذكر أن أخر أعمال طارق العريان إخراج فيديو كليب “السر” للهضبة عمرو دياب، الذي تم طرحه في شهر رمضان الماضي كإعلان لصالح إحدى المؤسسات الحكومية، وحقق الفيديو كليب منذ عرضه أكثر من 3 مليون مشاهدة عبر القناة الرسمية لعمرو دياب على موقع “يوتيوب”، والأغنية من كلمات أيمن بهجت قمر، وألحان محمد محيي، وتوزيع أحمد إبراهيم، وميكس وماستر أمير محروس.

وتقول كلمات الأغنية: “السر اللي يخليك الأول وتفضل مستمر، في حد يجدد ويغير وفي حد محلك سر، السر اللي يخليك الأول وتفضل مستمر، في حد يجدد ويغير وفي حد محلك سر، ومحدش عاش عالماضي، وكمل كان لازم تغيير، ده سبق كسبوا اللي بيتحمل، ويعاند ويصر، والوقت ده وقتك اديتله من طاقتك، وفضلت في الصورة حدوته أسطورة، الوقت ده وقتك اديتله من طاقتك، وفضلت في الصورة حدوته أسطورة، الفرق ما بين اللي مشي طريقه، لآخره وواحد تاه، ده بيفضل عايش في قلوبنا، أما الثاني بننساه”.