انطلاق تحضيرات مسلسل زينهم بطولة أحمد داود

انطلق النجم أحمد داود في التحضيرات لمسلسله الجديد الذي يحمل اسم زينهم ويعد أولى بطولاته المطلقة في الدراما التليفزيونية.

تحيا مصر يرصد انطلاق تحضيرات مسلسل زينهم.

مسلسل زينهم بطولة أحمد داود 

مسلسل زينهم مكون من 30 حلقة ويعرض في موسم الأوف سيزون، من تأليف محمد سليمان عبد المالك وإخراج يحيي إسماعيل، ومن المقرر أن يتم الإعلان عن فريق الممثلين خلال الفترة المقبلة عند الاستقرار على كل التفاصيل والترشيحات، المسلسل من إنتاج أروما أستوديو ومشرف عام على الإنتاج مصطفى العوضي.

تصريحات أحمد داود 

من جانبه، قال أحمد داود خلال استضافته في برنامج معكم التي تقدمه الإعلامية منى الشاذلي ويعرض عبر قناة سي بي سي: بختار السينما أكتر من المسلسلات لأن أنا بحب السينما أكتر، ولو جالي مسلسل أو فيلم بختار الفيلم بس في مسلسلات مش بتتعوض.

وتابع: فيلم يوم 13  أعلى فيلم بيجيب إيرادات لغاية دلوقتي، وأطمنت أن أول ما بعمل حاجة وتنجح الناس بتجبلي الحاجات اللي عملتها قبل كده ومش خايف لو مكنتش موجود في فترة بس لازم أعمل حاجة تشرف.

وكشف أحمد داود: أول أجر خته  في حياتي 150 جنيه وقالي هديك المبلغ ده قولتله كتير عليا، ومكنتش اعرف انهم هيجبولي الهدوم وروحت جبت هدوم بالـ 150 جنيه.

كما تحدث داود عن علاته بالفنانة علا رشدي وقال:  لما اتعرفت على علا هي كانت أشهر مني وأنا مكنتش عايز منها حاجة ولا هي عايزة مني حاجة، وأنا شايف أن رحلة الاستثمار الحقيقي مع العيلة.

أحمد داود في معكم منى الشاذلي

واستكمل أحمد داوود: علا علمتني كل حاجة من غير ما تاخد بالها، وهي دايمًا الاساس واللي بتعمل الخطط وتقولي هنعمل إيه، وخلتني أحسن وأجرب حاجات كتير، ودايمًا بتشجعني وفي ضهري.

وتابع: علا بتحب السفر وعندها كهربا زيادة وبتكلمني الصبح في مواضيع كبيرة جدًا وبتفضل تعملنا خطط.

وعن رأيها في فيلم يوم 13 قال: فرحانه جدا بالنجاح وقالتلي انت ممثل اهم بكتير من الفيلم ونفسها تشوفني في بطولات اكتر ونفسها أعمل فيلم كبير وقولتها أنا بقالي 7 سنين عشان أعمل 122 ويوم 13.