كل صحابي ولاد وشكلي ساهم في شهرتي.. أبرز تصريحات هنا الزاهد في تفاعلكم

حلت الفنانة هنا الزاهد ضيفة على برنامج “تفاعلكم” والمذاع على قناة العربية والتي صرحت من خلاله عدد من التصريحات الجريئة والمثيرة حول حياتها الفنية وحياتها الشخصية.

تحيا مصر يرصد في ذلك التقرير أبرز تصريحات هنا الزاهد

تصريحات هنا الزاهد في تفاعلكم

• أصعب تجربة عديت بيها كنت في شهر العسل وقعدت شهور تعبانة ووزني وصل 44 كيلو.
• اتضايقت من أحمد فهمي بعد ما صورني ونزل صورتي وأنا تعبانة على السوشيال ميديا لأن الصورة دي هتفضل على جوجل طول الوقت.
• بشوف نفسي قوية سبعة من عشرة وشكلي ساهم في شهرتي بدرجة كبيرة.
• بحب أعمل نمش ليا لأني بحب النمش جدًا.
• في نجمات كتير ناجحات أتمنى أكون في مثل نجاحهن مثل، منى زكي وطلعت زكريا كان أبويا.
• مسلسل مأمون وشركاءه مع عادل إمام هو اللي عمل اسمي.
• لما بضايق أوي من حد بعمل له بلوك، ومرة عملت لأختي فرح بلوك على واتساب وانستجرام.
• قدمت في الدراما أعمال من بطولتي زي حلوة الدنيا وأنا وهي وسيب وأنا سيب، ولكن في السينما مش مستعجلة عليها.
• أصعب نقد كنت بتعرض له زمان لما يقولوا البنت دي صوتها مش لايق على شكلها.
• بمسح تعليقات جارحة أوي وفيها شتيمة لأهلي وأهلي مالهمش علاقة، وممكن أدخل اكتب للي بيشتمني خاص.
• أنا ليا أصدقاء ولكن كلهم ولاد، ولسه ما قابلتش صديقة قريبة مني.
• أحمد حاتم صديقي أوي وإنسان في منتهى الأخلاق وعلي ربيع كمان، وأقرب الناس ليا أخواتي فرح ونور وواحدة فقط من بره  الوسط صاحبتي اسمها لينا.

هنا الزاهد في مستر إكس

جدير بالذكر، أنه يعرض لـ هنا الزاهد خلال الفترة الحالية وفي السينمات المصرية فيلم “مستر إكس”، والذي يخوضان بطولته إلى جانب كل من النجوم محمد أسامة الشهير بـ أوس أوس، بيومي فؤاد، صبري فواز، محمد أنور، عمرو يوسف، مصطفى خاطر، ومن من تأليف أحمد عبد الوهاب وأمجد الشرقاوي، وتدور أحداث  فيلم مستر إكس حو قصة حب بين رئيس إحدى العصابات، وبين محامية تضعها الظروف في طريقه، فيحاول جاهدا إبعادها عن كل المخاطر.