بعد التنمر على مرضه.. طارق الجنايني يدعم أحمد ثروت: لو ربنا اختبركم بإبتلاء ادعوا تكونوا في قوته

حرص المنتج السينمائي طارق الجنايني على دعم صديقه المخرج أحمد ثروت وذلك بعد واقعة تنمر أحد المتابعين على مرضه وسخريته منه عبر حسابه الرسمي بموقع التواصل الإجتماعي فيسبوك.

تحيا مصر يرصد في ذلك التقرير رسالة طارق الجنايني لـ المخرج احمد ثروت بعد واقعة التنمر على مرضه

طارق الجنايني يدعم أحمد ثروت

ونشر طارق الجنايني صورة له رفقة أحمد ثروت عبر حسابه الرسمي بموقع تبادل الصور والفيديوهات انستجرام، وعلق عليها: لو في يوم من الأيام لاقدر الله ربنا اختبرك بأبتلاء، ادعي انك تكون في قوة وايمان احمد ثروت.

تفاصيل تعرض أحمد ثروت للتنمر

وكان قد تعرض أحمد ثروت للتنمر بسبب مرضه، حيث كتب له أحد متابعيه معلقا على منشور له عبر موقع التواصل الإجتماعي “فيسبوك”: ابوك طلع معاه فلوس اهو وبيعالجك كويس اومال مش بيتبرع للبلد ليه.

ليرد أحمد ثروت على المتابع، قائلا: استاذ سمسم، مساء الفل كل الي عالبر عوام، التنظير في المرض مؤلم لصاحب الإختبار جداً وكل الي اقدر اقولهولك ربنا إن شاءالله ما يعرضك أنت أو أولادك أو والدك أو ولدتك لمرض زي الي عندي الي لو معاك فلوس الدنيا مش بتفيدك غير رحمة ربنا عليك ودعوات الناس، انا معرفش حضرتك بس صدقني عمري ما أتمني ليك دقيقة ألم من الي بتعرضلها يومياً حتي لو معاك مال الدنيا وبتتبرع البلد كل يوم، يومك جميل وربنا ما يكتبها عليك وان شاء الله ماتشوفش وحش قس أي حد بتحبه في إختبار زي دة.

محمد ثروت: فخور اني عرفت اربي راجل محترم

وقال محمد ثروت في تعليقه على منشور نجله أحمد: ابني الغالي، أحلى شي في البوست ده اني ربنا أكرمني واتأكدت إني عرفت أربي راجل محترم زيك، ربنا يتمم شفاك على خير وترجعلي بالسلامة.