بسنت النبراوي تشتكي من أسعار السمك المشوي: ليه 3 سمكات بـ 500 ج.. غسلهم بميه دهب؟

أعربت الفنانة بسنت النبراوي عن اسيائها من أسعار السمك المشوي في أحد المحلات، وذلك من خلال منشور عبر حسابها الشخصي على موقع تبادل الصور والفيديوهات إنستجرام.

تحيا مصر يرصد تفاصيل أحدث منشورات بسنت النبراوي عبر إنستجرام

بسنت النبراوي: ليه 3 سمكات بـ 500 جنيه ؟

ونشؤت بسنت النبراوي مقطع فيديو لها قالت فيه: عايزة بس أسأل سؤال لولبي.. لما أشتري 3 سمكات مشويين بالعدد واتفاجئ أن سعرهم 500 جنيه، سؤال لصاحب محل السمك، هل حضرتك السمك دا غسلته بماء الذهب عشان تضيع منه الزفارة، غسلته بشامبو يعني؟، هل بدل ما حضرتك تحطه في ردة حطيته في تراب الماس عشان تديني السعر الرهيب دا ؟.

وتابعت: هل السمك دا من مواليد هاسيندا أو من مواليد مراسي فابن ناس فغالي فعقبال ما استوردته سياتك من الساحل الشمالي وجال فجالي بالسعر دا ؟، دا لو سمك مشوي في نار جهنم مش هيبقى بالسعر دا.

واضافت: وياريتك جايب معاه جرجير أو لمونتين، دا سلطة الطحينة عليا وجايب معاه كام رغيف، والله دا مشروع مربح جدا وأنا بفكر افتح مزرعة سمك في هاسيندا واصدره للناس هنا ايجيبت.

بسنت النبراوي والمساكنة

ويذكر انه تحدثت بسنت النبراوي عن المساكنة، فقالت: مرضاش بالمساكنة.. عشان حرام دينيًا كان لو من غير الدين كنت هقول أوك، الحاجة لو الدين مش محرمها يبقى المجتمع مش شرط أمشي على كلامه.

وفي لقاء خاص بموقع تحيا مصر، أوضحت: أنا كنت في برنامج والمذيعة قالتلي ايه رأيك في المساكنة، فقولتلها والله أنا برفضها رفض تام لأنها حرام شرعا وأنا مقبلهاش على حد أبدا، فاتسألت أنتي رافضة المساكنة عشان الدين ولا عشان المجتمع، قولتلها كل ما سبق، والأهم من كل دا وعلى رأسهم الدين، لكن لو كانت حاجة حلال كان ساعتها من حق أي حد أنه يفكر يعملها.

وتابعت: وكلامي كان واضح جدا أن أنا برفض المساكنة، وبعض الصحف خدت الكلام من على لساني وحورته لكلام مختلف أن أنا موافقة على المساكنة وبشجع عليها، وأنا قولت لو الدين موافق على المساكنة مش هيهمني رأي المجتمع.