حنان مطاوع في مساسل صوت وصورة على شاشات المتحدة 2023

وقعت شركة اروما ستديوز للمنتج تامر مرتضى مع النجمة حنان مطاوع بطولة مسلسل جديد للعرض خلال عام 2023 بعنوان صوت وصورة. 

تحيا مصر يرصد تفاصيل مسلسل صوت وصورة

 تفاصيل مسلسل صوت وصورة

المسلسل يكتبه محمد سليمان عبد المالك ويخرجه محمود عبد التواب توبا وتنتجه اروما ستوديوز. وسيتم عرضه عبر إحدي شاشات مجموعة قنوات المتحدة، وجاري حاليا إستكمال باقي فريق العمل. 

كان مرتضى هو أول من راهن على نجومية حنان مطاوع ومنحها البطولة المطلقة في أحدي حكايات مسلسله الا  انا وهي حكاية امل حياتي والتي حققت نجاحا كبيرا وقت عرضها.

تصريحات حنان مطاوع في مساء دي إم سي

وسبق وأن كشفت الفنانة حنان مطاوع عن طقوسها خلال عيد الفطر المبارك، وذلك خلال لقائها ببرنامج مساء دي إم سي مع الإعلامي رامي رضوان.

وقالت حنان مطاوع: بنتي بقيت كل حاجة دلوقتي، لبس العيد بقى ليها والعيدية، أنا قبل ما أخلف أماليا كنت لازم أخد العيدية من مامتي وخالتي الله يرحمها ومن جوزي، ولو عشرين جنيه أنا راضية، وبحس أني صغيرة وبكدب على نفسي ومصدقاها، بس دلوقتي خلاص بقيت أنا اللي بدي العيدية، وبجيب ليها بمب وبنفرقع أنا وهي.

وفي الحلقة ذاتها، كشفت حنان مطاوع عن تفاصيل شخصيتها في مسلسل وعود سخية، وقالت: هي متعبة ومهلكة بس ممتعة جدا لأنها ملهاش أي علاقة بيا، بس كان فيها تحديات وتغيرات كتير وصراعات، واللي أنا حبيته فيها أنها عندها صراعات بين الخير والشر حية أوي جواها، وهي شخصية شرسة، ولما اتظلمت ظلمت.

مشاركة حنان مطاوع في سره الباتع

وعلى صعيد آخر، تحدثت الفنانة حنان مطاوع عن تفاصيل مشاركتها في مسلسل سره الباتع، فقالت حنان: الأستاذ خالد يوسف كلمني مشكورا، فطبعا انبسط جدا، فقالي مسلسل لرمضان، قولتله المكالمة دي على راسي من فوق بس أنا بحضر لمسلسل 30 حلقة اسمه كفر العميان، ومش هعرف أدخل في حاجتين مع بعض، وقولتله سامحني، فقالي أنتي بكرا فين، قولتله في البيت، راح قالي بكرا الصبح أنتي وجوزك تعزموني على حاجة، قولتله حضرتك تنور، اعزمك على ايه قالي فول وطعمية.

وتابعت: ونورني في البيت، وحكالي القصة وكانت رائعة، فقولتله هنعمل ايه في الوقت، قالي اعملي الاتنين وهيتم التنسيق، متقلقيش، فقولتله توكلنا على الله، والمسلسل التاني قعد يتأجل بتأجل لغاية ما متعملش خالص.