فيدرا عن مصلى السيدات: صغير ومكتوم.. وليه الستات بتتعامل معاملة المواطن الدرجة التانية

أعربت الفنانة فيدرا عن استيائها من حجم وتصميم مصلى السيدات في المساجد، وذلك من خلال منشور عبر حسابها الشخصي على موقع تبادل الصور والفيديوهات إنستجرام.

تحيا مصر يرصد تفاصيل أحدث منشورات فيدرا عبر إنستجرام

فيدرا: ليه الستات بتتعامل معاملة المواطن الدرجة التانية ؟!

ونشرت فيدرا مقطع فيديو لها، قالت فيه: انا عندي سؤال.. انا طبعا عارفة ان في المسجد الستات بتصلي بعيد عن الرجالة وبنبقى منفصلين بس هو السؤال اللي مش لقياله اي رد هو ليه دايما المصلى بتاعت الستات بيبقى صغير ومكتوم.

وتابعت: ومتقفل بحواجز ومدخله جانبي زي ما يكون باب المطبخ.. احنا ليه بنتعامل كدا، احنا ليه كستات رايحة تصلي في الجامع بنتعامل معاملة المواطن الدرجة التانية، ليه المصلى بتاعنا ميكونش يشرح ويكون مدخله حلو وجميل زي مدخل مصلى الرجالة، ليه دا مش متحقق للست.

فيدرا تثير الجدل بإطلالتها في مهرجان القاهرة السينمائي 

وسبق وأن تعرضت الفنانة فيدرا لسخرية واسعة من رواد السوشيال ميديا بسبب إطلالتها الجريئة في حفل ختام مهرجان القاهرة السينمائي بدورته ال 44 الذي أُقيم أمس الثلاثاء الموافق 22 نوفمبر

ظهرت فيدرا بفستان مفتوح الصدر بشكل مبالغ فيه مما عرضها للانتقاد فعلق أحدهم قائلًا:الزيت غالى ياحاجة زيت اوفر بصراحة، دي حاجه تكسف والله دا منظر لاشكل ولا جمال ولا حتي شياكه، سلام قول من رب رحيم، تقريبا بتشيل حديد وبتنشف".

سبب اعتذار فيدرا عن الاستمرار في مسلسل وسط البلد 

وعلى صعيد أخر، كشفت فيدرا عن سبب اعتذارها عن مسلسل وسط البلد، وقالت في لقاء لها: سبب اعتذاري عن الاستمرار في مسلسل وسط البلد لأن كل حد له ترمومتر إمتى أوقف وإمتى أكمل، وأنا خروجي من المسلسل كان مع الجزء الأول من العمل،ب لأن لما تكون حاجة كويسة بتبقى عاوزة تخرجي منها وهي لسه كويسة، وزملائي وأنا كنا زعلانين مع نهاية الموسم الأول، فيه فرق بين مسلسل 30 حلقة ومسلسل مكمل طول السنة زي وسط البلد، التركيبة دي ما كنتش هعرف أكمل فيها سنة تانية وتالتة.

وعن دور كاميليا الذي تقدمه خلال أحداث مسلسل إيجار قديم ، قالت: كاميليا مش شبه شخصيتي في الحقيقة، لكن بحب البهجة وخفة الدم وبكره النكد والشكوى، وبحب الناس اللي شايفين النص الحلو دايمًا.