لعله خير وأنا طيب.. حمزة نمرة يطرح أحدث أغنياته من ألبومه الجديد

طرح المطرب حمزة نمرة أغنيتين جديدتان ضمن ألبومه الجديد بعنوان أنا طيب ولعله خير، ومن المتوقع أن يحققوا نجاح واسع.

تحيا مصر يرصد طرح حمزة نمرة أحدث أغنياته من ألبومه الجديد. 

حمزة نمرة يروج لأحدث أغانيه

ونشر حمزة نمرة مقطع من الأغنيتين عبر حسابه بموقع انستجرام، وعلق قائلا: اسمعوا واتفرجوا دلوقتي على أغنية لعله خير وأغنية أنا طيب عبر يوتيوب وجميع منصات الموسيقية.

كلمات اغنية لعله خير حمزة نمرة

النجوم مرصوصة كده رصة أبهة
واللي كان حازز ف قلبي خلاص انتهى
النجوم مرصوصة كده رصة أبهة
واللي كان حازز ف قلبي خلاص انتهى
فرصة سعيدة أيها الليل اللي جي
الضلمة بتبروز ساعات في القلب ضي
فرصة سعيدة أيها الليل اللي جي
الضلمة بتبروز ساعات في القلب ضي
ولعله خير
يا نجوم بترقص في السما لعله خير
لعله خير
يا نجوم بترقص في السما لعله خير
سكر خفيف الشاي عملته وجيت
وقلت بس ياريت الدنيا تسمعني
ورا القزاز واقف موارب شيش
ومن الليلادي مافيش
قوة هتمنعني
قال القمر قرب هنا أسهر معاك
عندي خبر بس انت رد الباب وراك
قال القمر قرب هنا أسهر معاك
عندي خبر بس انت رد الباب وراك
ولعله خير

أحدث أغاني حمزة نمرة 

ايه اللي عندك يا قمر لعله خير
لعله خير
ايه اللي عندك يا قمر لعله خير
ياما وقعنا في الطريق ونقوم
لا حزن كان بيدوم
ولا جرح بيطول
وتخونني خطوة أمشي خطوة كمان
ألقى طريقي يبان
أسهل من الأول
بان من بعيد الشمس جاية تقول سلام
يومي الجديد رفرف على جناح الحمام
بان من بعيد الشمس جاية تقول سلام
يومي الجديد رفرف على جناح الحمام
ولعله خير
الشمس جايه في وقتها لعله خير
لعله خير
الشمس جايه في وقتها لعله خير