هاني عادل يعلن سبب تقديمه أغنية تراست إيشوز وهحكي عنك

كشف الفنان هاني عادل عن فكرة أغنية تراست إيشوز، وأغنية هحكي عنك، وذلك على هامش إحيائه حفلًا جماهيريا بمكتبة الإسكندرية، ضمن فعاليات مهرجان الصيف الدولي في دورته العشرون.

تحيا مصر يرصد تصريحات هاني عادل.

كواليس أغنية تراست إيشوز 

وقال عادل: أغنية تراست إيشوز مع الشاعر حازم ويفي كتبناها وقت كورونا كنا في دهب، واللي بيقول إنه معندوش تراست إيشوز هو متأكد!.

بينما أغنية هحكي عنك، قال هاني عادل: أغنية هحكي عنك الناس افتكرت إنها عن حدث في حياتي، بس الحقيقة إنه كان تحدي بالنسبالي، لما حد قالي أنت مش بتعمل النوع ده من الأغاني، قررت أعمله، وهي كانت دعاية لرواية سوف أحكي عنك، لصديقي الكاتب أحمد مهنى، وكتب الأغنية محمد إبراهيم.

وأضاف: إني أطلع وأغني أغنياتي لوحدي ده أقدر أقول عليه حلم وحصل زي اسم أغنيتي، لأني في بداياتي كنت بغني دايمًا مع فرقة افتكاسات، وبعدين مع فرقتي وسط البلد، ودي رابع حفلة أغنيها لوحدي، وده كان بيتطلب جزء كبير ثقة في نفسي وفي الموسيقيين اللي معايا.

تصريحات هاني عادل 

واستطرد هاني عادل: مبسوط جدًا أنكو جيتوا وإننا معاكوا في إسكندرية، النهاردة هنقدم مشروع الرجل الرمادي، اللي بغني فيه أعمال بعيد عن وسط البلد، وأغاني غنيتها في أفلام.

وعن مكالمته مع الكينج قال: كنت قاعد مع صاحبي وجتلي مسدج من رقم بيقولي هاني رد أنا منير، وأنا في العادي مش برد على أرقام غريبة وفي الآخر رديت، ولما لقيته هو رميت الموبايل واتخضيت وقالي عجبتني الأغنية بتاعتك ومصدقتش بصراحة.

هذا وقال عادل إن زوجته ساعدته في كلمات أغنية ع الوعد وأن فرقة وسط البلد موجودة، لكن كنا مقلين شوية في الدعاية.

وأضاف الفنان هاني عادل: شاركت في فيلم مع جاكي شان وجون سينا.

هاني عادل يتحدث عن علاقته بجاكي شان

وتابع الفنان هاني عادل: مخرج فيلم جاكي شان كان مستنيني لغاية ما طلعت تأشيرة، مستطردا: التمثيل مع جاكي شان كان حلم بالنسبة ليا.

وقال الفنان هاني عادل: جاكي شان كان بيعدلي هدومي قبل التصوير وأنا كنت مذهول.
وسبق وكتب هاني عادل في منشور عبر حسابه بموقع التواصل الاجتماعي فيسبوك: يا جماعة بشكل حقيقي مش كل اللي بيلحنوا بيفهموا في المزيكا خالص ولو بيفهموا فهم مبيفهموش في كل ظانواع المزيكا إلا بالمذاكرة والقرايه عنها حتى أنا والله.