محمد حماقي: سعيد إني بشارك في مهرجان قرطاج وحلم لأي فنان الغناء في تونس

أعرب الفنان محمد حماقي عن سعادته بـ المشاركة في حفل ختام مهرجان قرطاج، وذلك على هامش المؤتمر الصحفي للمهرجان بدورته الـ 52، مشيرا إلى أنه فخر لأي فنان احياء حفل غنائي في تونس.

تحيا مصر يرص في ذلك التقرير تصريحات محمد حماقي عن مشاركته في مهرجان قرطاج

محمد حماقي: سعيد إني بشارك في مهرجان كبير وعريق زي قرطاج

وقال محمد حماقي خلال المؤتمر الصحفي للمهرجان: أنا سعيد أني بختم مهرجان كبير وعريق زي مهرجان قرطاج، وحلم لأي فنان أنه يكون على مسرح قرطاج في تونس، لعدة أسباب منها عراقة المهرجان وحلاوة الجمهور التونسي، ومن أول ما ابتديت أغني وأنا بسمع للجمهور التونسي هو جمهور فنان وجمهور راقي وصوته حلو، ومعلومة معروفة عندنا أن الجمهور التونسي هو جمهور مغني.

وتابع متحدثا عن سبب عدم مشاركته في المهرجان من قبل: معرفش ليه اتأخر وجودي في مهرجان قرطاج يمكن مكنش في فرصة أننا نتقابل، وجت الفرصة وأخيرًا اتحققت.

محمد حماقي: انا بنتمي لمدرسة الاحساس وبحب أفعل راسي وأنا بغني

وكشف حماقي عن المدرسة التي ينتمي لها، فقال: طول عمري بقول موضوع الغنى بلهجات مختلفة، هو مدارس أنا بنتمي لمدرسة أني أغني بإحساس، ومش بحب أفعل راسي وأنا بغني، أنا بشوف اللي بيغني بلهجة مختلفة هو بيشغل نفسه بلهجة تكون صح ومخارج الحروف فـ ده بياخد جزء من إحساسك، وده السبب اللي يخليني مقدمش أغنية بلهجة تانية، أنا بحب أسمع الغنى التونسي بس من التونسى، والغنى قدام الجمهور التونسي مهمة صعبة مش سهل لازم تكون عامل حسابه ومجهز نفسك.

أخر أعمال حماقي

ويذكر، أنه طرح حماقي أغنية “ده من قلبي ده”، والتي أتت كلماتها: حبيبي يا حبيبي.. يا اول وأخر حبيبي حبيبي يا حبيبي .. كان فينك بقالك زمان ده .. قلبي ده .. عيني ده .. ده حياتي روحي ده .. زيه مين .. ده لا عاش ولا كان ده .. قلبي ده .. عيني ده .. لسه في الدنيا كده .. لو يبان .. نوره بيغطي المكان لما حبك أمر .. خدني عند القمر عشقوا عيني السهر .. في ليالي هواك ياه ده يا حظه اللي يبقى معاك ويكون حبيبك كمان ده .. قلبي ده .. عيني ده .. ده حياتي روحي ده .. زيه مين .. ده لا عاش ولا كان ده .. قلبي ده .. عيني ده .. لسه في الدنيا كده .. لو يبان .. نوره بيغطي المكان.