عاجل
السبت 22 يونيو 2024 الموافق 16 ذو الحجة 1445
رئيس التحرير
عمرو الديب

عادل إمام الشغل معاه مريح ومحمد سعد من أحسن الناس في الوسط.. أبرز تصريحات حسن عبد الفتاح

حسن عبد الفتاح _
حسن عبد الفتاح _ أرشيفية

حل الفنان حسن عبد الفتاح ضيف ضيف على الإعلامية انجي هشام في برنامج المنسي عبر قناة هي، متحدثًا عن الزعيم عادل إمام والفنان محمد سعد.

تحيا مصر يرصد حلول حسن عبد الفتاح ضيف على برنامج المنسي. 

حسن عبد الفتاح ضيف برنامج المنسي

وقال حسن: من احسن الناس اللي بحبها في الوسط وبرتاح معاها في الشغل وهو بيرتاح معايا في الشغل محمد سعد، ده عشرة العمر.

حسن عبد الفتاح يشيد بالزعيم ومحمد سعد

وتابع: محمد جدع ومحترم وبيقف جمب صاحبه واكيد بيضايقوه عشان بيتعامل معاهم كده، أنا أعرف محمد من ٣٥ سنة وكان معانا عند الاستاذ صبحي بس التركيبة ممشيتش مع الاستاذ قعد معانا اسبوعين ساعتها ومشي وقابلته في المتحدين كان بيعمل " كعب عالي" مع يسرا وحسين فهمي واشتغلت معاهم.

وعن أسباب قلة الفرص: الموضوع شلليات أنا عارف فلان وفلان هما دول اللي يشتغلوا حد تاني لا، فين وفين ممكن أنا اتاخدت من على المسرح استاذ رائد لبيب مرة شافني في المسرح قالي تعالى المخرجين زمان كانوا بيدخلوا المسارح يجيبوا دلوقت لا، الوسط مليان شلليات وانا ليا كام واحد اللي بشتغل معاهم بيقولولي تعالى يا حسن بروح منهم الفنان محمد رجب والفنان محمد سعد.


وكشف الفنان حسن عبد الفتاح حقيقة الإشاعات التي طالت الزعيم بشأن احتكاره للايفهات قائلا:' مشوفتش ده انا عملت أنا معاه افلام كتير زي "حسن ومرقص " و" هالو امريكا" و" التجربة الدنماركية" ، لو افيه حلو يقولي قولو لو لا يقولي متقولوش على طول أو يبصلي البصرة بتاعته أو يرفع حاجبه يعني متقولش ".


وتابع: أنا وانا بعمل بروفا فبقول رامي مشوفتش ده انا عملت معاه افلام كتير زي حسن ومرقص هالو امريكا التجربة الدنماركية ، لو افيه حلو يقولي قولو لو لا يقولي متقولوش على طول أو يبصلي البصرة بتاعته أو يرفع حاجبه يعني متقولش

وأضاف :' أنا وانا بعمل بروفا فبقول رامي الافيه، فيقولي إيه اللي انت قولته دا ؟ لا متقولش ده شوف حاجة تانية ده الاستاذ عادل الاستاذ عادل جميل والشغل معاه مريح جدا.

مواعيد برنامج المنسي 


جدير بالذكر، أن برنامج  المنسي هو برنامج على قناة " هي" تقديم الإعلامية انجي هشام، ويذاع يومي السبت والأحد في تمام الساعة الحادية عشر والنصف مساءا  ويستضيف عددا من نجوم الفن والإعلامين الذي غابت عنهم أضواء الشهرة والنجومية.

تابع موقع تحيا مصر علي