خاص| معتز هشام يكشف تفاصيل مشاركته في فيلم سكر

كشف الفنان الشاب معتز هشام تفاصيل مشاركته في فيلم سكر، الذي من المنتظر طرحه قريبا عبر إحدى المنصات أو في دور العرض السينمائية.

تحيا مصر يرصد تفاصيل تصريحات معتز هشام عن فيلم سكر

تصريحات معتز هشام عن فيلم سكر

وقال معتز هشام في تصريحات خاصة لموقع تحيا مصر: كان المفروض هينزل قريب ومش عارف أتأجل ليه، والمسلسل دا بقى فيلم دلوقتي، وهو من أمتع الحاجات اللي عملتها في حياتي، سواء رقص أو غنا أو طريقة التمثيل الجديدة، وكنت حاسس أني في عالم تاني.

وتابع: وبعمل فيه دور طارق، وهو ولد من أولاد الميتم، وبيلعب كورة، ونفسه يكون حاجة كبيرة، ويخرج من الميتم ويبقى لعيب كورة مشهور، وبيحب بنت اسمها سكر.

ويشارك معتز في بطولته مع ماجدة زكي، محمد ثروت، ريهام الشنواني، ياسمينا، محمد حربي ومجموعة كبيرة من الأطفال، ومن إخراج تامر مهدي وإنتاج شركة أروما.

معتز هشام في مسلسل ليه لأ 3

وسبق وأن كشف الفنان الشاب معتز هشام عن تفاصيل تعاونه مع النجمة نيللي كريم خلال مسلسل ليه لأ 3، الذي تم عرضه على منصة شاهد الإلكترونية، موضحًا تفاصيل أصعب مشهد واجهه خلال تصوير العمل.

وقال معتز هشام في تصريح خاص لـ موقع تحيا مصر: نيللي كريم كانت بتوجهلي نصايح كتير، في الدنيا عموما وفي التمثيل، ومكانتش بتتعامل معايا على أنها النجمة الكبيرة نيللي كريم، كانت بتتعامل بكل بساطة كأنها فعلا زي أختي، واستمتعت جدًا بالشغل معاها، وهي نجمة كبيرة جدًا.

وعن مدى تأثير المشاهد الصعبة على حالته النفسية، قال معتز: لحد بعد المشهد بكام دقيقة بعد كدا خلاص، وأصعب مشهد بالنسبالي كانت صعوبته أنه اتغير في وقتها، المشهد كان حاجة واتغير وقت التصوير، الكلام كان لسه مكتوب حالا، فكان بالنسبالي أني أحفظه أو أدخله جوايا دا اللي كان صعب، بس الحمد لله طلع حلو.